Tags-Gham

achhūtā jo ġham ho to is meñ bhī ḳhush huuñ
nahīñ mujh ko manzūr shirkat kisī kī

mujhe gum-shuda dil kā ġham hai to ye hai
ki is meñ bharī thī mohabbat kisī kī

andesha-e-arbāb-e-haram saath rahegā
jannat bhī milegī to ye ġham saath rahegā

tū aur na aa.e dar-e-zindān-e-vafā tak
mar kar bhī ye ġham terī qasam saath rahegā

aflāk se palkoñ pe utar ā.eñge taare
khul kar bhī shab-e-ġham kā bharam saath rahegā

dil ko baḳhshā soz-o-gudāz
ai ġham terī umr-e-darāz

masarrat zindagī kā dūsrā naam
masarrat kī tamannā mustaqil ġham

sach hai umr bhar kis kā kaun saath detā hai
ġham bhī ho gayā ruḳhsat dil ko chhoḌ kar tanhā

chāhe jitnā bhī tujhe dekh ke masrūr ho dil
tū hī unvāñ hai ġham-e-zīst ke afsāne kā

zahrāb-e-zindagī to ragoñ meñ utar gayā
ab ai ġham-e-firāq batā kyā kare koī

dho chuke muñh ko to kisht-e-dil meñ
tuḳhm ġham kā hameñ phir baunā thā

mujh ko panāh dī na tire ġham ne bhī kabhī
maiñ de rahā huuñ kitne ġhamoñ ko amaañ na pūchh

mānūs haiñ ġham se kuchh aise gar niiñd meñ bhī ham ne 'arshad'
apne ko hañste dekh liyā to dekhte hī Dar jaate haiñ

tābinda o javān to baḳht-e-raqīb the
ham tīra-roz kyuuñ ġham-e-hijrāñ ko bhā ga.e

apne hī dard kī uñglī se lagā rahne de
maiñ ġham-e-dahr kī is bhiiḌ se Dar jaatā huuñ

ek pal fursat kahāñ dete haiñ mujh ko mere ġham
ek ko bahlā diyā to dūsrā maujūd hai

ab maiñ samjhā huuñ kaaT kar shab-e-ġham
zindagī muḳhtasar nahīñ hotī

kitnī pāband-e-vaz.a hai shab-e-ġham
kabhī ġhairoñ ke ghar nahīñ hotī

tirā ġham ho to aa jaa.e salīqa muskurāne kā
ki har āzār-e-jāñ shā.ista-e-duniyā nahīñ hotā

nishāñ kunj-e-tarab kā kohsār-e-ġham se miltā hai
bhaTak jaatā huuñ maiñ jab raah meñ dariyā nahīñ hotā