Tags-Gham

vo soz-o-sāz-e-ġham-e-ishq ab kahāñ lekin
nikaltī hai mire naġhmoñ se ġham kī lai ab bhī

yahāñ-vahāñ se idhar-udhar se na jaane kaise kahāñ se nikle
ḳhushī se jiine kī justujū meñ hazār ġham ek jaañ se nikle

ye shahr-e-ġham kī galī galī meñ jo ḳhvār phirte haiñ kuchh divāne
kabhī hue haiñ jahāñ se rusvā kabhī tire āstāñ se nikle

sham.a bhī muztarib hai patañgā bhī muztarib
pahuñche haiñ soz-e-ġham ke sharāre kahāñ kahāñ

fursat mile kabhī to shab-e-ġham se poñchhnā
TuuTe haiñ chashm-e-'shauq' se taare kahāñ kahāñ

ġham kī duniyā rahe ābād 'shakīl'
muflisī meñ koī jāgīr to hai

maiñ ġhazal huuñ mujhe jab aap sunā karte haiñ
chand lamhe mirā ġham baañT liyā karte haiñ

yahī hai daur-e-ġham-e-āshiqī to kyā hogā
isī tarah se kaTī zindagī to kyā hogā

aao kuchh zikr-e-rozgār kareñ
daur-e-hāzir ke ġham shumār kareñ

koī sūrat jab na ban paa.ī to ronā aa gayā
kuchh to taskīn-e-ġham-e-dil ashk-afshānī meñ hai

ġham se ġham ho na ḳhushī se ho ḳhushī kā ehsās
aisī tadbīr bhī ai dil koī kar dī jaa.e

kyā ġham hai chhalak jaa.e sāġhar mirā ai saaqī
vo tāknā paimāna āmāj se afzūñ hai

manzil-e-dūr-o-darāz-e-ishq meñ
ġham ko paayā ham ne ġham-ḳhvāroñ ke biich

ma.āl-e-bāryābī kyā batā.ūñ muḳhtasar ye hai
ki shām-e-ġham ko bhī sub.h-e-vatan kahnā hī paḌtā hai

ajiib hai ye zindagī kabhī hai ġham kabhī ḳhushī
har ek shai hai be-yaqīñ har ek chiiz aarzī

jo baat tū kahtā hai vahī baat ho shāyad
lekin tirī ye baat ġham-añgez bahut hai

'najīb' ik vahm thā do chaar din kā saath hai lekin
tire ġham se to saarī umr kā rishta nikal aayā

duur tak ik muhīb sannāTā
nauha-e-ġham na koī shahnā.ī

chilchilātī dhuup ġham kī hādsoñ ke sā.ebāñ
soch kā taptā ye sahrā aur ye purvā.ī ki bas