Tags-Gham

ġham ne uThā.e saikḌoñ tūfāñ
dil ne bisārā laakh machal ke

chup huuñ tumhārā dard-e-mohabbat liye hue
sab pūchhte haiñ tum ne zamāne se kyā liyā

iz.hār-e-ġham kiyā to ye us ne diyā javāb
chehra gavāhī detā hai jhūTe gavāh kā

paañv phailā.e hue ġham kā añdherā kyuuñ hai
aa ga.ī sub.h-e-tamannā to phir aisā kyuuñ hai

shash-jihat-e-jahāñ ke pech muñh karūñ jidhar ko maiñ
hote haiñ mujh se ġham do-chār yak do sah chaar panj o shash

'hasrat'-e-ġham-zada kā ġham khāvegā tū agar na yaar
us ke haiñ tujh se ġham-gusār yak do sah chaar panj o shash

ġham-e-shu.ūr koī dam to mujh ko mohlat de
tamām-umr jalāyā hai apnā jī maiñ ne

rahā maiñ shāhid-e-tanhā nashīn-e-masnad-e-ġham
aur apne karb-e-anā se ġharaz rakhī maiñ ne

un kā ġham un kā tasavvur un ke shikve ab kahāñ
ab to ye bāteñ bhī ai dil ho ga.iiñ aa.ī ga.ī

ab to ḳhushī kā ġham hai na ġham kī ḳhushī mujhe
be-his banā chukī hai bahut zindagī mujhe

maiñ is masāfat se thak gayā huuñ
magar mujhe koī ġham nahīñ hai

ġham-e-dost dar-haqīqat tirā rahnumā-e-manzil
vahī kam-nigāh niklā jise hausla nahīñ hai

mire ishq kā muqaddar mirī zindagī kā hāsil
ġham-e-yār ke alāva koī dūsrā nahīñ hai

tirā dard zindagī hai tirā ġham mirā muqaddar
mujhe aur chāhiye kyā mire ghar meñ kyā nahīñ hai

dil kī jānib jo chalī ġham kī havā
laḌkhaḌāne lagī tanhā.ī bhī

āñkhoñ ne dikhā dī jo tire ġham kī haqīqat
aalam mujhe saarā tah-o-bālā nazar aayā

ġham rahā jab tak ki dam meñ dam rahā
dil ke jaane kā nihāyat ġham rahā

ġham-e-duniyā bhī ġham-e-yār meñ shāmil kar lo
nashsha baḌhtā hai sharābeñ jo sharāboñ meñ mileñ

chārasāzī ke har andāz kā gahrā nashtar
ġham-gusārī kī rivāyāt meñ uljhe hue zaḳhm

saa.e meñ ḳhushiyoñ ke kitne log mere saath the
dhuup ġham kī phailte hī maiñ akelā ho gayā