Tags-Gham

tire lutf-e-ḳhās ne jo diyā tirī yaad ne jo atā kiyā
ġham-e-mustaqil ġham-e-jāvedāñ tujhe yaad ho ki na yaad ho

jo tire liye mire dil meñ thā jo mire liye tire dil meñ thā
mujhe yaad hai vo ġham-e-nihāñ tujhe yaad ho ki na yaad ho

merā bhī aur koī nahīñ hai tire sivā
ai shām-e-ġham tujhe maiñ kahāñ chhoḌ jā.ūñgā

ḳhush bahut thā ek lamha shādmānī dekh kar
ġham huā mujh ko yuuñ ġham kī tarjumānī dekh kar

sitam-pesha mire afsāna-e-ġham ko nahīñ suntā
so kahnā hai ba-andāz-e-hadīs-e-dīgarāñ mujh ko

sūkhā havā-e-ġham se jo kuchh tāzgī huī
maiñ vo shajar huuñ ḳhushk huā jab harā huā

rah-e-ishq meñ miT ga.e ham to kyā ġham
rah-e-ishq meñ kārvāñ aur bhī haiñ

ek ġham hai ki be-mudāvā hai
ek ronā ki umr bhar hai yahāñ

ruktā nahīñ sail-e-girya-e-ġham
ai zabt ye sab tire sile haiñ

mirī rūdād-e-ġham par tursh lahje meñ kahā us ne
ye ronā roz-o-shab shām-o-sahar achchhā nahīñ lagtā

ġham sivā ishq kā ma.aal nahīñ
kaun dil hai jo pā.emāl nahīñ

kyuuñ kisī se kuchh bayāñ kartā bhī maiñ rūdād-e-ġham
hāl-e-dil kā aa.ina bhī merā hai chehrā mirā

dasht-e-hastī meñ shab-e-ġham kī sahar karne ko
hijr vāloñ ne liyā raḳht-e-safar sannāTā

duhā.ī hai ġham-e-majbūrī-e-imkāñ duhā.ī hai
ki phirtī haiñ dam-e-rehlat hamārī putliyāñ ham se

sāġhar meñ nūr-e-dīda-e-anjum uñDel kar
phir tīrgī-e-ġham meñ charāġhāñ kareñge ham

ḳhudā kī den hai jis ko nasīb ho jaa.e
har ek dil ko ġham-e-jāvedāñ nahīñ miltā

ġham bhī hai kaif bhī hai soz bhī hai saaz bhī hai
ishq ik zinda haqīqat bhī hai ik raaz bhī hai

ġham-e-firāq meñ kuchh der ro hī lene do
buḳhār kuchh to dil-e-be-qarār kā nikle

malgajī arz-e-ġham zard sā āsmāñ
aur ufuq-tā-ufuq aur shafaq-dar-shafaq

us kī yādoñ ke dukh
us kī duurī ke ġham