Tags-Gham

chāk-e-sīna ko jigar ko dāġh-e-dil ko dard-e-zaḳhm
tājir-e-ġham shahr-e-ulfat ke ye kaalā de gayā

bichhaḌne vaale ne kab palaT kar ye dekhnā hai
ki ġham badan ke tamām hissoñ ko khā rahe haiñ

rāteñ to ho jaatī thiiñ aksar garāñ
din ke hisse meñ bhī ġham aane lage

kyā sehr thā ki hañste hue jaan de ga.e
vo bhī ki jin ko tāb-e-ġham-e-ārzū na thī

vo kaun sī sahar thī ki roī na phuul phuul
vo shaam kaun sī thī ki ġham se lahū na thī

ġham nahīñ jo beḌiyāñ pahne giraftāroñ meñ huuñ
naaz hai is par ki tere nāz-bardāroñ meñ huuñ

sitāre kī tarah siine meñ dil Duubā kiyā lekin
shab-e-ġham ke añdhere se nahīñ māñgī sahar ham ne

rūThe rūThe se sab nazāre haiñ
ik hamīñ haiñ jo ġham ke maare haiñ

ab dushman-e-jāñ hī kulfat-e-ġham saaqī
fariyād laboñ par aa gayā dam saaqī

mahtāb nahīñ niklā sitāre nahīñ nikle
dete jo shab-e-ġham meñ sahāre nahīñ nikle

ġham-e-jahān o ġham-e-yār do kināre haiñ
udhar jo Duube vo aksar idhar nikal aa.e

un se hāl-e-dil kahnā ai 'nasīr' lāzim hai
ḳhāmushī nahīñ hotī ġham kī tarjumāñ tanhā

kuchh aisī ho ga.ī hai tere ġham meñ mubtilā
goyā kisī ne jaan ko mas.hūr kar diyā

nāz-parvarda-e-jahāñ tum ho
dard-o-ġham ho jahāñ jahāñ tum ho

sharār-e-ġham kā jo hāmil nahīñ hai
vo dil sab kuchh to hai par dil nahīñ hai

khulī fazā na rahe yaad agar parindoñ ko
ġham-e-shikastagī-e-bāl-o-par nahīñ rahtā

use malāl ho kyā dost kī judā.ī kā
jo sah chukā ho ġham-o-rañj āshnā.ī kā

kisī se laḌā.eñ nazar aur jheleñ mohabbat ke ġham itnī fursat kahāñ
uThā.eñ kisī māh-paikar hasīna ke jaur-o-sitam itnī fursat kahāñ

na maazī hamārā na mustaqbil apnā kuchh is taur se harf-e-imroz haiñ
ġham-e-dosh yā fikr-e-fardā meñ 'aḳhtar' kareñ sar ko ḳham itnī fursat kahāñ

ḳhud meñ bhī be-amāñ huuñ maiñ tujh meñ bhī be-amāñ huuñ maiñ
kaun sahegā us kā ġham vo jo mirī amaañ meñ hai