Tags-Gham

apne marne kā nahīñ ġham rañj hai is baat kā
aaj uñglī se utartī hai nishānī aap kī

kal maiñ ne us ko dekhā to dekhā nahīñ gayā
mujh se bichhaḌ ke vo bhī bahut ġham se chuur thā

aate haiñ ayādat ko to karte haiñ nasīhat
ahbāb se ġham-ḳhvār huā bhī nahīñ jaatā

din meñ sūraj hai mirī mahrūmiyoñ kā tarjumāñ
zulmat-e-shab meñ sitāre hijr o ġham ke rāz-dāñ

lagā ke ḳhūn-e-jigar kā Tiikā hai sāmne ġham ke sar-ba-sajda
sanam-parastī meñ tū bhī ai dil kisī barahman se kam nahīñ hai

misāl-e-ḳhurshīd jalva-gar hai jigar kā har ek dāġh-e-tābāñ
nazāra kar merī shām-e-ġham kā jo sub.h-e-raushan se kam nahīñ hai

shādāñ huuñ ki ġhamnāk piye jaatā huuñ
huuñ dushman-e-aflāk piye jaatā huuñ

jabr-o-istibdād ko jūd-o-karam kahte rahe
sabr-o-tā.at ko ilāj-e-dard-o-ġham kahte rahe

ġham kī chādar oḌh kar so.e the kyā
raat bhar mere liye ro.e the kyā

zulmat-kade meñ mere shab-e-ġham kā josh hai
ik sham.a hai dalīl-e-sahar so ḳhamosh hai

shorīdgi-e-sar ke liye sañg-e-dar kī qaid
zanjīr-e-ġham ke vāste zulf-e-dotā kī shart

na karnā thā bizzid madavā-e-ġham
baḌī chuuk ai chāra-gar ho ga.ī

dil kā saudā mujhe manzūr hai lekin ai dost
merā ham-zauq bhī hai mūnis-o-ġham-ḳhvār bhī hai

pur-ziyā bazm-e-masarrat hai ziyā-e-ġham se
jis jagah phuul mahaktā hai vahāñ ḳhaar bhī hai

jab ġham-e-dil ko masīhā kī zarūrat hī nahīñ
ab maiñ samjhā huuñ ye ik uqda-e-dushvār bhī hai

kis qadar mazbūt nikle tere dīvāne ke haath
shām-e-ġham ko jab nichoḌā sub.h-e-tābāñ kar diyā

milne lage haiñ ab to ḳhushī ke libās meñ
ġham-hā-e-zindagī kā hai koī shumār bhī

kyā ġham-e-hijr kyā surūr-e-visāl
guzarāñ hai davām kuchh bhī hai

rafta rafta ishq ko tasvīr-e-ġham kar hī diyā
husn bhī kitnā ḳharāb-e-gardish-e-ayyām thā

ġham-kade meñ dahr ke yuuñ to añdherā thā magar
ishq kā dāġh-e-siyah-baḳhtī charāġh-e-shām thā