English
Favourite
Favourite
UrduShayarUrduShayar
Expand menu
Sign inAccount

Tags-Gham

tarġhīb-e-tark-e-shauq ke parde meñ ġham-gusār
har naqsh-e-ārzū ko ubhāre chale ga.e
Ghazal
 aankhon se dur subh ke tare chale gae
vo dil harīf-e-jalva-e-firdaus ban gayā
jis dil meñ tere ġham ke sharāre chale ga.e
Ghazal
 aankhon se dur subh ke tare chale gae
kahīñ ek pal ko bhī tū nazar nahīñ aa rahā
ġham-e-dil tire mah-o-sāl the vo kahāñ ga.e
Ghazal
 wo jo etibar-e-jamal the wo kahan gae
vo jo ḳhvāb le ke chale the ham vo kahāñ gayā
vo jo us ke ġham meñ niDhāl the vo kahāñ ga.e
Ghazal
 wo jo etibar-e-jamal the wo kahan gae
udhar fasīl-e-shab-e-ġham idhar hai shahr-e-panāh
sabā se kahiyo vahīñ aa ke ek baar mile
Ghazal
 na baam-o-dasht na dariya na kohsar mile
mujhe vo rakhtā hai masrūf kis nazākat se
ki ġham se rishta mirā dūsrā nikal aayā
Ghazal
 main ghar se zehn mein kuchh sochta nikal aaya
zindagī bhar saath ab us kā nibhānā hai tumheñ
jis ne apne naam 'rahbar' ġham tumhārā kar liyā
Ghazal
 zindagi jine ka yun humne sahaara kar liya
zahr-e-ġham pī ke bhī kuchh log jiyā karte haiñ
un ko chheḌā na karo un ko satāyā na karo
Ghazal
 mere mahbub mere dil ko jalaya na karo
parastish-e-ġham kā shukriya kyā tujhe āgahī nahīñ
tere baġhair zindagī dard hai zindagī nahīñ
Ghazal
 parastish-e-gham ka shukriya kya tujhe aagahi nahin
ashk-e-ravāñ kī āb-o-tāb kar na avaam meñ ḳharāb
azmat-e-ishq ko samajh girya-e-ġham hañsī nahīñ
Ghazal
 parastish-e-gham ka shukriya kya tujhe aagahi nahin
koī din aur ġham-e-hijr meñ shādāñ ho leñ
abhī kuchh din meñ samajh jā.eñge duniyā kyā hai
Sher
 koi din aur gham-e-hijr mein shadan ho len
ġham-e-hayāt se Takrā ke giit ban jaanā
sikhā diyā hai mujhe aap kī duāoñ ne
Ghazal
 na mauj-e-baada na zulfon na in ghaTaon ne
ġham-e-hayāt o ġham-e-dil bahut sahī lekin
koī savāl kiyā hai abhī ghaTāoñ ne
Ghazal
 na mauj-e-baada na zulfon na in ghaTaon ne
raat gahrī hai to phir ġham bhī farāvāñ hoñge
kitne bujhte hue taare sar-e-mizhgāñ hoñge
Ghazal
 raat gahri hai to phir gham bhi farawan honge
dil kī ḳhalish to saath rahegī tamām umr
dariyā-e-ġham ke paar utar jaa.eñ ham to kyā
Ghazal
 zinda rahen to kya hai jo mar jaen hum to kya
ġham ho ki ḳhushī donoñ kuchh duur ke sāthī haiñ
phir rasta hī rasta hai hañsnā hai na ronā hai
Ghazal
 duniya jise kahte hain jadu ka khilauna hai
muflisī laakh sahī daulat-e-nāyāb hai ye
maiñ tire ġham ke evaz kyuuñ ġham-e-duniyā chāhūñ
Ghazal
 rang alfaz ka alfaz se gahra chahun
ġham hai sannāToñ meñ qadmoñ ke nishāñ tak 'rashid'
vo añdherā hai ki dīvāroñ se rastā chāhūñ
Ghazal
 rang alfaz ka alfaz se gahra chahun
binā rakkhī hai ġham par ziist kī ye ho gayā sābit
na lapkā aah kā chhūTegā jab tak saañs chaltī hai
Ghazal
 uDa kar kag shishe se mai-e-gul-gun nikalti hai
maiñ vo vāsil huuñ dilbar se ki dil apnā hai vo dilbar
rahā dil hī se kaam apnā usī ġham-ḳhvār se matlab
Ghazal
 na gul se kaam hai hum ko na kuchh gulzar se matlab
Top Urdushayar.com