Tags-Gham

na tamannā na tirī yaad na ġham ho na ḳhushī
kabhī aisā bhī atā ālam-e-tanhā.ī kar

sab mire hāl-e-pareshāñ kā uḌāte haiñ mazāq
ai ġham-e-dost mirī hausla-afzā.ī kar

mizāj-e-gardish-e-daurāñ vahī samajhte haiñ
jo rasm-o-rāh-e-ġham-e-āshiqī samajhte haiñ

ġharīb hind ne tanhā nahīñ ye daaġh sahā
vatan se duur bhī tūfān ranj-o-ġham kā uThā

tire ahl-e-dard ke roz-o-shab isī kashmakash meñ guzar ga.e
kabhī ġham meñ Duub ke rah ga.e kabhī Dūbte hī ubhar ga.e

jo kabhī sharāb-e-nashāt hai to hai zahr-e-ġham kabhī jaam meñ
hai ye zindagī koī zindagī abhī jī uThe abhī mar ga.e

shukr parvardigār us ne mujhe
merī hastī kā ġham-gusār kiyā

fasāna-e-sitam-e-kā.enāt kahte haiñ
ye ashk-e-ġham to mire dil kī baat kahte haiñ

ġham-e-ishq meñ kaarī davā na duā ye hai rog kaThin ye hai dard burā
ham karte jo apne se ho saktā kabhī ham se bhī kuchh na kahā tum ne

basar ho yuuñ ki har ik dard hādisa na lage
guzar bhī jaa.e koī ġham to vāqi.a na lage

tumheñ ḳhushiyāñ atā karne kī ḳhātir
maiñ apnā ġham chhupānā chāhtā huuñ

ġham-e-ushshāq na ho sādgī-āmoz-e-butāñ
kis qadar ḳhāna-e-ā.īna hai vīrāñ mujh se

maut to phir bhī apne vaqt pe aatī hai
maut kā aadhā kaam to ġham kar detā hai

ġham-e-ḳhāshāk kyā sho.ale ko hogā
vo raqsāñ ḳhud hī ik lamhe ko hogā

ye ghar to ghar jabhī kahlā.eñge jab
ġham-e-ham-sāya ham-sā.e ko hogā

ġham hai be-mājrā ka.ī din se
jī nahīñ lag rahā ka.ī din se

har lamha thā sau saal kā Taltā bhī to kaise
le aa.ī shab-e-ġham koī martā bhī to kaise

sitāroñ se shab-e-ġham kā to dāman jagmagā uThā
magar aañsū bahā kar hijr ke māroñ ne kyā paayā

dāman-e-har-mauj hī apnā to sāhil hai 'azīz'
kaun kahtā hai ki bahr-e-ġham meñ sāhil ek hai

ai havā-e-ġham tū ne sab diye bujhā Daale
phir bhī ḳhalvat-e-jāñ meñ duur tak charāġhāñ hai