Tags-Gham

hamārā qissa-e-ġham biich meñ vo chhoḌ uTThe
unhī kī zid thī magar un hī se sunā na gayā

aage jo qadam rakkhā pīchhe kā na ġham rakkhā
jis raah se ham guzre dīvār uThā aa.e

tavajjoh chāhtā hai ġham purānā
so rah rah kar na.e ko kāTtā hai

haath uThā baiThe ham is zindagī-e-shīrīñ se
ġham judā.ī kā ye thā talḳh ki khāyā na gayā

maġhz chāTā kabhī andoz-o-nasīhat vaale
ġham hamārā kisī ġham-ḳhvār se khāyā na gayā

jis ke juuyā hue ham DhūñDh nikālā us ko
aql ġham hai ki mizāj aap kā paayā na gayā

tab-e-ġham to ga.ī tabīb vale
phir na aayā kabhū mizāj-e-bahāl

jis dāstān-e-ġham kā unvān raushnī hai
har lafz kī siyāhī ḳhud muñh se boltī hai

na tū ham-zabāñ na tū ham-zamāñ mirā tujh se kaisā mo.āmla
mirā ahd ahd-e-kamāl-e-ġham tirā ahd ahd-e-zavāl hai

tujhe kārobār ko din milā mujhe kāhish-e-shab-e-ġham milī
mujhe ḳhvāhish-e-ġham-e-āgahī tujhe ḳhvāhish-e-zar-o-māl hai

mujhe sun tarāna-e-dard meñ mujhe dekh chehra-e-zard meñ
mujhe DhūñD ġham kī panāh meñ ki vo merā shāmil-e-hāl hai

na detā gar sahārā kuchh umīd-e-vasl kā tūfāñ
shanāvar bahr-e-ġham kā hasrat-e-sāhil meñ rah jaatā

shikva ban kar fuġhāñ se uThtā hai
sho.ala-e-ġham zabāñ se uThtā hai

apnā jo farz hai vo farz nibhāte chaliye
ġham ho jis kā bhī use apnā banāte chaliye

vo to ye kahiye ġham-e-daurāñ ne rakh lī aabrū
varna dil kī baat thī kuchh khel bachchoñ kā na thā

ma.āl-e-zabt-e-paiham ho ga.ī hai
masarrat hāsil-e-ġham ho ga.ī hai

ise tere ġham kī ḳhabar na ho to har ek ġham ko chhupā.e rakh
vo harī rutoñ kā gulāb hai use dhuup rut se bachā.e rakh

ġham kī daulat baḌī mushkil se milā kartī hai
sauñp do ham ko agar tum se nigahbānī na ho

tirā hī duniyā meñ hai fasāna tirā hī shaidā.ī hai zamāna
tire hī ġham meñ huiiñ ravāna nikal ke rūheñ ḳhudā.ī bhar kī

hausla TuuTe na rāh-e-shauq meñ
ġham kī aisī mezbānī aur hai