Collections

Lab Shayari

Motivational Ghazals

Best Khamoshi Shayari

More Collections

Tags-Gham

mujhe ye ġham hai vo ab saath hai raqīboñ ke
ye aañkh us ke bichhaḌne se laal thoḌī hai

tumhaare jaane ka hum ko malal thoDi hai

uḌ gayā hai manzil-e-dushvār meñ ġham kā samand
gesū-e-pur-pech-o-ḳham ke tāziyāne kī kaho

be-Thikane hai dil-e-gham-ghin Thikane ki kaho

kulfat-e-zīst se insān pareshāñ hī sahī
ziist āshob-e-ġham-e-marg kā tūfāñ hī sahī

chand roz aur meri jaan faqat chand hi roz

haq naqd-e-masarrat kā agar hai to hamīñ ko
kuchh nabz-shanās-e-ġham-o-ālām hamīñ haiñ

barham-zan-e-shiraaza-e-ayyam hamin hain

ḳhalish jigar meñ hai aur tajziya hai āñkhoñ kā
baḌe salīqe se dete haiñ ġham-gusār fareb

ye dosti ye mohabbat ye inkisar fareb

irāda kar jo liyā tark-e-ḳhud-kalāmī kā
to yād-e-māzī kā ġham maktiba hī kar Dāleñ

bas ek bar uThen samna hi kar Dalen

'aish' kar arz yahī un se ki bas tauba karo
maraz-e-ġham se agar apnī shifā chāhte ho

bad amal karte ho aur nek jaza chahte ho

hai vādi-e-ġham vo ki gar aa jaa.eñ idhar ḳhizr
rāshe se kare haath meñ hazrat ke asā raqs

hai aaina-KHane mein tera zauq-faza raqs

phirtī huuñ liye soz-e-hayāt āñkhoñ meñ
hai jalva-numā ġham kī barāt āñkhoñ meñ

phirti hun liye soz-hayat aankhon mein

guzar ga.ī hai shab-e-ġham yaqīñ nahīñ aatā
sahar numūd nahīñ hai to raushnī kyā hai

alam maal agar hai to phir KHushi kya hai

ham use anfus o āfāq se rakhte haiñ pare
shaam koī jo tire ġham se tahī jaatī hai

aagahi kab yahan palkon pe sahi jati hai

pī jaate haiñ zahr-e-ġham-e-hastī ho ki mai ho
ham sā bhī zamāne meñ balā-nosh na hogā

pi jate hain zahr-e-gham-e-hasti ho ki mai ho

mujhe aziiz hai ye nik.hatoñ kā gahvārā
ḳhudā kare na mile tere ġham se chhuTkārā

mujhe aziz hai ye nikhaton ka gahwara

hai ġham-e-hāl meñ insān pareshāñ-ḳhātir
fikr-e-fardā kī koī baat karūñ yā na karūñ

un se izhaar-e-shikayat karun ya na karun

dekhe haiñ jo ġham dil se bhulā.e nahīñ jaate
ik umr huī yaad ke saa.e nahīñ jaate

dekhe hain jo gham dil se bhulae nahin jate

ai 'hosh' ġham-e-dil ke charāġhoñ kī hai kyā baat
ik baar jalā do to bujhā.e nahīñ jaate

dekhe hain jo gham dil se bhulae nahin jate

kyuuñ nahīñ letā hamārī tū ḳhabar ai be-ḳhabar
kyā tire āshiq hue the dard-o-ġham khāne ko ham

dur se aae the saqi sun ke mai-KHane ko hum

Thahrī thī ġhizā apnī jo ġham ishq-e-butāñ meñ
so aah hamārī hameñ ḳhūrāk ne khāyā

Thahri thi ghiza apni jo gham ishq-e-butan mein

jis ke ham bīmār haiñ ġham ne use bhī rāñda hai
ho chukā darmāñ masīhā aap hī darmāñda hai

jis ke hum bimar hain gham ne use bhi randa hai

ġham-e-jānāñ kī ḳhabar laatī hai
koī āvāz agar aatī hai

gham-e-jaanan ki KHabar lati hai