English
Favourite
Favourite
UrduShayarUrduShayar
Expand menu
Sign inAccount

Tags-Gham

rañg dhul jaa.eñ ġhubār-e-ġham-e-hastī ke 'asar'
ab ke manzar koī dekhūñ to anokhā dekhūñ
Ghazal
 har taraf raat ka phaila hua dariya dekhun
ġham-e-hayāt meñ hāzir huuñ lekin ek zarā
nigār-e-shahr se mere ta.alluqāt to dekh
Ghazal
 qadam qadam pe tamanna-e-iltifat to dekh
diye jale haiñ sajī jā rahī hai kal kī dulhan
ajiib husn ġham-e-zindagī kī raat meñ hai
Ghazal
 karam mein hai na sitam mein na iltifat mein hai
koī mausam ho yahī soch ke jī lete haiñ
ik na ik roz shajar ġham kā harā to hogā
Sher
 koi mausam ho yahi soch ke ji lete hain
muñh kyā hai falak terā koh-e-ġham-e-hijrāñ kā
ye hazrat-e-dil hī haiñ jo baar uThāte haiñ
Ghazal
 yun baat kisi ki hum kab yar uThate hain
vo ġham sameT liye maiñ ne zindagī ke liye
tirī nigāh-e-karam bhī jinheñ na pahchāne
Ghazal
 dil-e-KHulus-gazida ko koi kya jaane
mirī hañsī meñ magar zahr ghul gayā 'nāzish'
maiñ chāhtā thā mirā ġham koī na pahchāne
Ghazal
 dil-e-KHulus-gazida ko koi kya jaane
mirā ġham rulā chukā hai tujhe bikhrī zulf vaale
ye ghaTā batā rahī hai ki baras chukā hai paanī
Ghazal
 ye inayaten ghazab ki ye bala ki mehrbani
ġham qayāmat kā nahīñ vaa.iz mujhe ye fikr hai
diin kab baaqī rahā duniyā agar faanī huī
Ghazal
 dekh kar joban tera kis kis ko hairani hui
kitne fankāroñ ne ab tak jazboñ ko alfāz diye
apne ġham kā sarmāyā hī shā.ir kī pahchān huā
Ghazal
 aaine mein dekh ke chehra be-shak main hairan hua
taḌap kar aur taḌpā.egī mujh ko
shab-e-ġham terī fitrat jāntā huuñ
Ghazal
 main duniya ki haqiqat jaanta hun
diyā hai 'naqsh' jo ġham zindagī ne
use maiñ apnī daulat jāntā huuñ
Ghazal
 main duniya ki haqiqat jaanta hun
tere bīmār-e-ġham ko hai vo maraz
hukamā lā-ilāj kahte haiñ
Ghazal
 saf hum tum se aaj kitne hain
hoñ vahāñ ġham hai jahāñ hasti-e-mauhūm mirī
dūsrā naam adam hai mire vīrāne kā
Ghazal
 dar khula subh ko pau phaTte hi mai-KHane ka
ye rote rote hañsnā tartīb-e-zikr-e-ġham hai
aayā huuñ ibtidā par chheḌā thā darmiyāñ se
Ghazal
 ye dastan-e-dil hai kya ho ada zaban se
us rāzdār-e-ġham kī hālat na pūchh jis ko
kahnā to hai bahut kuchh mahrūm hai zabāñ se
Ghazal
 ye dastan-e-dil hai kya ho ada zaban se
dil-e-ḳhush-fahm ko sub.h safar kī raushnī meñ
shab-e-ġham ke liye tayyār karnā chāhiye thā
Ghazal
 ata-e-abr se inkar karna chahiye tha
ġham ke dīpak nahīñ jalte jab tak
dil munavvar nahīñ hote jānāñ
Ghazal
 yun sitamgar nahin hote jaanan
nahīñ ye ġham ki amānat meñ kyuuñ ḳhayānat kī
mujhe ye dukh hai vo apnā yaqīn beach aa.e
Ghazal
 jo thi ilaqe mein sab se hasin bech aae
jahāñ kī fitrat-e-begāna meñ jo kaif-e-ġham bhar deñ
vahī jiinā samajhte haiñ vahī marnā samajhte haiñ
Ghazal
 tumhein kyunkar bataen zindagi ko kya samajhte hain
Top Urdushayar.com