Tags-Gham

ik hujūm-e-ġham-o-kulfat hai ḳhudā ḳhair kare
jaan par nit-na.ī aafat hai ḳhudā ḳhair kare

adam meñ rahte to shaad rahte use bhī fikr-e-sitam na hotā
jo ham na hote to dil na hotā jo dil na hotā to ġham na hotā

maiñ udās-rāt kā chāñd huuñ ghane bādaloñ meñ ghirā huā
mirī taab kī ho ḳhabar kise maiñ ridā-e-ġham meñ chhupā huā

sab jhuuT hai ki tum ko hamārā ho ġham miyāñ
baabā kise ḳhudā ke sivā ġham faqīr kā

jab jīte-jī kisī ne na pūchhā to mehrbāñ
phir ba.ad-e-marg kis ko rahā ġham faqīr kā

ġham-e-uqbā ġham-e-daurāñ ġham-e-hastī kī qasam
aur bhī ġham haiñ zamāne meñ mohabbat ke sivā

judā.iyoñ kī ḳhalish us ne bhī na zāhir kī
chhupā.e apne ġham o iztirāb maiñ ne bhī

anokhā aur nayā ġham shart hai koī
tumhāre ḳhud-kushī karne kī

zabt-e-ġham kar liyā ye bhī to na sochā maiñ ne
ek nashtar sā hai ab dil meñ utarne vaalā

vo dil se ġham bhulā kar dil ko lubhā rahe haiñ
guzre hue zamāne phir phir ke aa rahe haiñ

siine meñ zabt-e-ġham se chhālā ubhar rahā hai
sho.ale ko band kar ke paanī banā rahe haiñ

haiñ husn ke karishme kyā inqalāb-āgīñ
ġham-ḳhvār jo the kal tak ab ḳhaar khā rahe haiñ

māñgne ko maañg leñ ash.ār-e-ġham se dilkashī
mil nahīñ saktā hai un ko fikr sā daatā koī

ye kū-e-ġham badal jaa.e na ab dasht-e-tamannā se
junūñ-añgez hai zindāñ kī har dīvār kā halqa

ġham-e-imroz ne paimāñ kiyā hai ishq-e-fardā se
kabhī to hogā shāna-gīr zulf-e-yār kā halqa

ġham-e-hayāt ne baḳhshe haiñ saare sannāTe
kabhī hamāre bhī pahlū meñ dil dhaḌaktā thā

dilbar se dard-e-dil na kahūñ haa.e kab talak
ḳhāmosh us ke ġham meñ rahūñ haa.e kab talak

rahtā hai roz hijr meñ zālim ke ġham mujhe
is dukh se dekhiye ki chhuTūñ haa.e kab talak

shāmil ho gar na ġham kī ḳhalish zindagī ke saath
rakkhe na koī rabt-e-mohabbat kisī ke saath

umr-bhar ishq kisī taur na kam ho āmīn
dil ko har roz atā ne.amat-e-ġham ho āmīn