Tags-Gham

savāl āḳhir ye ik din dekhnā ham hī uThā.eñge
na samjhe jo zamīñ ke ġham vo apnā āsmāñ kyuuñ ho

ummīdeñ saarī duniyā se 'vasīm' aur ḳhud meñ aise ġham
kisī pe kuchh na zāhir ho to koī mehrbāñ kyuuñ ho

ishq meñ tere koh-e-ġham sar pe liyā jo ho so ho
aish-o-nishāt-e-zindagī chhoḌ diyā jo ho so ho

haiñ maut ke is jiine meñ maze ġham jis ko na ho vo kyā samjhe
jab sābit karte ban na paḌe jo da.avā hai bātil hī to hai

dukh de ke ulTe denā kyā fariyād natīja hai ġham kā
jab Thes lagī shīsha Thankā patthar na samajhiye dil hī to hai

ga.ī yak-ba-yak jo havā palaT nahīñ dil ko mere qarār hai
karūñ us sitam ko maiñ kyā bayāñ mirā ġham se siina figār hai

shab-o-roz phuul meñ jo tule kaho ḳhār-e-ġham ko vo kyā sahe
mile tauq qaid meñ jab unheñ kahā gul ke badle ye haar hai

na vabāl tan pe hai sar mirā nahīñ jaan jaane kā Dar zarā
kaTe ġham hii, nikle jo dam mirā mujhe apnī zindagī baar hai

kyā hai ġham 'zafar' tujhe hashr kā jo ḳhudā ne chāhā to barmalā
hameñ hai vasīla rasūl kā vo hamārā hāmī-e-kār hai

raat bhī jāgtī hai mere saath
ġham sarāsar ḳhushī hai mere saath

ġham na dete aap to rāhat se kis ko kaam thā
zindagī kī gardishoñ ke saath daur-e-jām thā

ġham ke be-nūr mazāroñ kā galā ghoñT aayā
saare be-mehr sahāroñ kā galā ghoñT aayā

itnī na intishār kī hiddat ho rū-ba-rū
insāñ ġham-e-hayāt meñ jaltā dikhā.ī de

hai āfrīñ jo hañste nahīñ haiñ tamām-umr
ham se to ek din bhī na ġham kā basar huā

pahle to arz-e-ġham kī ijāzat na deñge vo
vaqfa bahut qalīl sā hogā agar huā

us mushtarī-jabīñ kā mujhe ġham huā zuhal
taale mire kā nek sitārā kab aa.egā

murjhā rahī hai dil kī kalī ġham kī dhuup meñ
gulzār-e-dilbarī kā hazārā kab aa.egā

maiñ ek qatra huuñ lekin mirā nasīb to dekh
ki be-qarār mire ġham meñ ik samundar hai

mere ġham ko jo apnā batāte rahe
vaqt paḌne pe hāthoñ se jaate rahe

tū mujhe kis ke banāne ko miTā baiThā hai
maiñ koī ġham to nahīñ thā jise khā baiThā hai