Tags-Gham

pursish-e-hāl ko aa.e haiñ vo ġham de ke mujhe
kaise kah deñ ki ayādat bhī burī hotī hai

ghar meñ thā kyā ki tirā ġham use ġhārat kartā
vo jo rakhte the ham ik hasrat-e-tāmīr so hai

ġhair us ke ki ḳhuub roiye aur
ġham-e-dil kā koī ilaaj nahīñ

jo guzre ġham ko ḳhud meñ samo.e raheñge ham
ham ne 'zahīr' jiine kī saugand khaa.ī hai

apne ġham kā mujhe kahāñ ġham hai
ai ki terī ḳhushī muqaddam hai

duniyā meñ hai yuuñ to kaun be-ġham
pūchhe koī kyuuñ udaas haiñ ham

jin kī hasrat meñ dil-e-rusvā ne ġham khaa.e bahut
sañg ham par in darīchoñ ne hī barsā.e bahut

mere ġham par vo aksar hañs detā hai
ye to ġham kā ġhair munāsib daam huā

ḳhushī har-chand hai taarī ga.ī ġham kī girāñ-bārī
chhalak jaatī haiñ āñkheñ ādatan be-iḳhtiyār ab bhī

nafas nafas hai tire ġham se chuur chuur ab tak
na shaam hai na saverā qarīb duur ab tak

jo chal paḌe jāda-e-vafā par unheñ ġham-e-rozgār kyā hai
sa.ūbatoñ ke pahāḌ kyā haiñ tamāzatoñ kā ġhubār kyā hai

ġham kī rātoñ ke ḳhvāb laayā huuñ
hadiya-e-iztirāb laayā huuñ

god meñ ḳhushiyoñ kī har koī chain se sotā hai lekin
muuñd ke āñkheñ ġham bāñhoñ meñ lahrāo to baat bane

nākām rahne hī kā tumheñ ġham hai aaj 'mīr'
bahutoñ ke kaam ho ga.e haiñ kul tamām yaañ

kahte kahte arsa-e-mahshar tak aayā huuñ magar
nā-mukammal hai ġham-e-hastī kā afsāna hanūz

ġham-e-hayāt phir aane lagī sadā-e-jaras
dayār-e-shab se tire qāfile guzarne lage

sarāb-e-dasht-e-tamannā se kaun guzrā hai
ki chashma-e-ġham-e-dil buuñd buuñd jharne lage

charche se agar ho sohbat-e-ġham
shādī se hazār jā hai behtar

jhelī thiiñ jis ke sañg hī ye ranjisheñ kabhī
ik dal hī ġham-gusār thā vo bhī nahīñ rahā

kisī se sarguzisht-e-ġham bayāñ kartā huuñ jab apnī
kahānī vo sarāsar aap kī ma.alūm hotī hai