Tags-Gham

sunā.e kise apnī ġham kī kahānī kidhar jaa.e vo terī mahfil se uTh kar
nazar ne tirī jis kā dil le liyā ho vo qismat kā maarā kahāñ chain paa.e

shiddat-e-ranj-o-ġham meñ ai 'nayyar'
ham ne jām-o-subū se kaam liyā

shab-e-ġham aish kā muzhda sunāne kaun aatā hai
ye mere āñsuoñ meñ muskurāne kaun aatā hai

kuchal detī hai jab ehsās ko sanjīdgī ġham kī
sharārat se mirā dil gudgudāne kaun aatā hai

bhayānak tīrgī meñ ġham kī jab dam ghuTne lagtā hai
charāġh-e-kushta-e-ishrat jalāne kaun aatā hai

shab-e-ġham dil pe chhā jaatā hai jab ik huzn-e-be-ḳhvābī
nashāt-e-rūh ban ban kar sulāne kaun aatā hai

vafūr-e-yās kar detā hai jab labrez-e-ġham dil ko
ḳhushī ban kar mire dil meñ samāne kaun aatā hai

mirā dil Dūbne lagtā hai jab ġham ke samundar meñ
mirī kashtī ko sāhil se lagāne kaun aatā hai

ye roz-marra ke kuchh vāqi.āt-e-shādī-o-ġham
mire ḳhudā yahī insāñ kī zindagānī hai

ilāhī burā ho ġham-e-ishq kā
sunā hai ki un ko ḳhabar ho ga.ī

kiye mujh pe ehsāñ ġham-e-yār ne
hamesha ko nīchī nazar ho ga.ī

sirf zinda rahne ko zindagī nahīñ kahte
kuchh ġham-e-mohabbat ho kuchh ġham-e-jahāñ yaaro

har qāfla-e-dil ko tū muzhda-e-manzil de
har rahguzar-e-ġham meñ naqsh-e-kaf-e-pā ho jā

na tum mile na ye duniyā-e-ġham hī raas aa.ī
tum hī batāo ki is ġham kā kyā izāla ho

jis kuuñ tujh ġham siiñ dil-shigāfī hai
marham-e-vasl us kuuñ shāfī hai

ye mumkin hī nahīñ tanhā rahūñ maiñ
ġham-e-jānāñ se yaarī ho ga.ī hai

surūd-e-ġham par bhī zindagī meñ tarab ke dhāre bahā rahā huuñ
maiñ un ke sāz-e-jafā par apnī vafā ke naġhme sunā rahā huuñ

milī hai kāñToñ kī mujh ko qismat magar hai phūloñ kī merī fitrat
jahāñ huuñ pāmāl-e-ġham huuñ lekin jahāñ bhī huuñ muskurā rahā huuñ

yuuñ bhī hotā hai mudāvā-e-ġham-e-mahrūmī
jabr-e-sayyād bhī hai hasrat-e-parvāz bhī hai

juz ġham-e-ishq koī kaam nahīñ hai so ai husn
jab mile ik na.ī hālat meñ mile haiñ tujh se