Tags-Gham

maiñ dard bhī tum se jī lūñgā tum mere liye kuchh ġham na karo
maanā ki pareshāñ dil hogā aisā bhī pareshāñ kyā hogā

zamāna kuchh nahīñ samjhegā bas piye jaao
ki zahr-e-ġham kā nasha bhī sharāb jaisā hai

na dekhā baaġh meñ nargis niiñ tujh kuuñ sharm jaane siiñ
isī ġham meñ huī hai sar-nigūñ vo vaqt nahīñ paatī

ġham bhī hai ik parda-e-iz.hār-e-shauq
chhup ke aañsū meñ savāl aa hī gayā

laakh chāhā ham na leñ ġham kā asar
ruḳh pe ik rañg-e-malāl aa hī gayā

kabhī nāyāft kā hai to kabhī kam-yāft kā ġham
vaj.h-be-vaj.h pareshānī meñ baiThā huā huuñ

na maiñ bilqīs ki ho shahr-e-sabā kī ḳhvāhish
na ġham-e-taḳht-e-sulaimānī meñ baiThā huā huuñ

samajhte haiñ ham khel duniyā ke ġham ko
hamārī ḳhushī hai tumhārī ḳhushī se

sharh-e-ġham haa.e be-hisāb huuñ maiñ
likhne baiThūñ to ik kitāb huuñ maiñ

sīna-e-ḳhasta hamāre se hai ġhirbāl ko rashk
nāvak-e-ġham jigar-o-dil se zi-bas paar hue

ghar meñ le aa.e tumheñ chaah se karne shādī
ki tum is ġham-kade meñ sham-e-shab-tār hue

sub.h-e-ishrat ko shab-e-ġham ke tanāzur meñ na dekh
vo qayāmat dūsrī thī ye qayāmat aur hai

ye uljhaneñ kyoñ ye dard-o-ġham kyoñ ye mushkileñ kyoñ ye Thokareñ kyoñ
milī to haiñ be-shumār chīzeñ phir in ke badle bas ik ḳhushī kyoñ

vo dil nasīb huā jis ko daaġh bhī na milā
milā vo ġham-kada jis meñ charāġh bhī na milā

ye jo dushman ġham-e-nihānī hai
ye bhī ik dost apnā jaanī hai

jo duur jaa.e to ġham hai jo paas aa.e to dard
na jaane kyā hai vo kambaḳht aadmī dekho

ġham-e-hayāt se laḌte guzār dī maiñ ne
magar ye ġham hai tumheñ kuchh ḳhushī na de paayā

ġham mire saath thā hamesha se
ab ke vo bhī zarā ḳhafā hogā

rāhat-e-anjām-e-ġham aur rāht-e-duniyā mālūm
likh diyā dil ke muqaddar meñ pareshāñ honā

baḌhā jo dard-e-jigar ġham se dostī kar lī
lahū jo aañkh se Tapkā to shā.erī kar lī