Tags-Gham

maiñ ki darpesh hai mujh ko safar-e-dūr-o-darāz
aur ik vo haiñ ki un ko ġham-e-tanhā.ī hai

zarf-o-himmat se sivā dī nahīñ jaatī taklīf
itnā ġham dete haiñ jitnī ki shakebā.ī hai

sab bure aġhyār hoñ kuchh ġham nahīñ
vo hasīñ bizzāt achchhā chāhiye

jise piroyā thā apne hāthoñ se tere ġham ne
sadā-e-girya meñ hichkiyoñ kī ajab laḌī thī

duniyā se dar-guzar ki guzargah ajab hai ye
darpesh ya.anī 'mīr' hai jaanā jahāñ se bhī

kar rahā thā ġham-e-jahāñ kā hisāb
aaj tum yaad be-hisāb aa.e

kab tak meñ ranj-o-ġham kī shiddat dekhūñ
tā-kai apne pe ye musībat dekhūñ

ye hairat hai ke mujh ko ġham nahīñ hai us ko kho kar bhī
pareshāñ vo bhī hai vo ḳhush mujhe pā kar nahīñ rahtā

tamām umr ḳhushī saath de nahīñ paa.ī
nuzūl-e-ġham bhī musalsal nahīñ huā ab tak

dāġh-e-dil siine meñ aahoñ se numāyāñ karnā
ham se sīkhe shab-e-ġham koī charāġhāñ karnā

ġham se fursat nahīñ ki tujh se kaheñ
tujh ko raġhbat nahīñ ki tujh se kaheñ

dukh safar kā hai ki apnoñ se bichhaḌ jaane kā ġham
kyā sabab hai vaqt-e-ruḳhsat ham-safar ḳhāmosh haiñ

aap ko bech chukā huuñ tire ġham ke hāthoñ
hai magar ishq kā tere abhī saudā baaqī

ġham-e-hijrāñ meñ ga.ī jaan chalo ḳhuub huā
dostoñ ko na rahe fikr-e-mudāvā baaqī

ġham-e-daurāñ ne bhī sīkhe ġham-e-jānāñ ke chalan
vahī sochī huī chāleñ vahī be-sāḳhta-pan

ġham se ehsās kā ā.īna jilā paatā hai
aur ġham sīkhe hai aa kar ye salīqa mujh se

nūr-e-sahar kahāñ hai agar shām-e-ġham ga.ī
kab iltifāt thā ki jo ḳhū-e-sitam ga.ī

qabze meñ josh-e-gul na ḳhizāñ dastaras meñ hai
rāhat bhī kab milī hai agar vaj.h-e-ġham ga.ī

ashk-e-ġham aañkh se bāhar bhī nahīñ aane kā
abr chhaT jaa.eñ vo manzar bhī nahīñ aane kā

zahr zindagānī kā pī ke aql aa.ī hai
dārū-e-ġham-e-hastī talḳhī-e-subū meñ hai