Tags-Gham

pattharoñ meñ ham bhī patthar ho ga.e
ab ġham-e-sūd-o-ziyāñ kuchh bhī nahīñ

tilism-e-ġham se patthar ho gayā huuñ
maiñ zinda huuñ magar zinda nahīñ huuñ

paiġhām zabānī to nasīboñ meñ kahāñ thā
naama bhī na terā tire ġhamnāk ko pahuñchā

ġham-e-ishq hī ko maiñ kyā kahūñ tire husn ko bhī nahīñ sukūñ
kabhī is nazar kī talāsh meñ kabhī us nazar kī talāsh meñ

jo yahī junūñ hai to mil chukī hameñ manzil-e-ġham-e-āshiqī
usī rahguzar se guzar ga.e usī rahguzar kī talāsh meñ

use vasl kaisā haqīqatan ġham-e-hijr kā bhī to haq nahīñ
jo tamām raat guzār de magar ik sahar kī talāsh meñ

shāne se ab sarakne lagī hai salīb-e-ġham
ruk kar zarā bikharte hue ḳhvāb bāñdh leñ

hai aah ek ġhazal ashk ik qasīda hai
nihāñ haiñ ġham meñ bhī naġhma-sarā.iyāñ kyā kyā

tishnagī baaqī rahe dīvāngī baaqī rahe
ranj-o-ġham hai is liye tā-ki ḳhushī baaqī rahe

ham apnā ġham bhuul ga.e
aaj kise dekhā majbūr

tujh ko ye ġham ki giraftār hai tū
mujh ko ye ranj ke āzād huuñ maiñ

safed-poshī-e-dil kā bharam bhī rakhnā hai
tirī ḳhushī ke liye terā ġham bhī rakhnā hai

zaḳhm khātī huuñ muskurātī huuñ
yuuñ ġham-e-zindagī nibhātī huuñ

'sarvar' kī kaTī kis tarah āḳhir shab-e-hijrāñ
kuchh tū hī batā qissa-e-ġham dīda-e-tar aur

ab āh-o-zārī-e-ġham-ḳhvār kā fareb khulā
ye mehrbāñ bhī vahīñ dil lagā ke baiThe haiñ

ruuh afsurda tabī.at mirī ġham-kosh huī
zindagī apne hī mātam meñ siyah-posh huī

fikr-e-fardā huī yā fikr-e-ġham-e-dosh huī
terī yaad aa.ī ki har baat farāmosh huī

ġham kā koī to hal talāsh kareñ
ḳhūbsūrat mahal talāsh kareñ

shab-e-hijrāñ ki lā-zavāl tirī
ġham ki āmāda-e-fanā mere

ham se kuchh aur to kyā honā hai
ik tire ġham kī hifāzat hī sahī