Tags-Gham

ḳhushiyāñ thiiñ bevafā na rahīñ zindagī ke saath
ġham bā-vafā the chalte rahe aadmī ke saath

tirā ġham khā gayā merā kaleja dil sabhī yak baar
huā hogā kahāñ se ser ye to ik nivāla thā

vo husn ban ke gul kī tapish meñ samā gayā
hañs hañs ke jal gayā jo tire ġham kī aag meñ

ye ahl-e-dil ki uḌāte haiñ mere ġham kā mazāq
ye be-hisī jo nahīñ hai to be-hisī kyā hai

aaj phir dard-o-ġham ke dhāge meñ
ham piro kar tire ḳhayāl ke phuul

ye rū-e-raushan aur ye gesu-e-mushk-e-fām
yaañ shaam meñ to sub.h hai aur sub.h meñ hai shaam

kis muñh se kījiye lab-e-jān-baḳhsh kā bayāñ
chūsī jinhoñ ne ahmad muḳhtār kī zabāñ

masrūf-e-vāz-o-pand the sultān-e-mashriqain
jo ghar se nikle khelte zohrā ke nuur ain

tire ġham ke sāmne kuchh ġham-e-do-jahāñ nahīñ hai
hai jahāñ tirā tasavvur vahāñ īn-o-āñ nahīñ hai

na.ī na.ī choTeñ khā khā kar jab be-kal ho ho jāoge
mujh ko hamdard apnā samajh kahne ko ġham ke aaoge tum

chāra-e-ġham ke liye shart hai iḳhlās 'nasīr'
kaun hai shahr meñ aisā jise zahmat dī jaa.e

taḳht yāroñ ko hai ġham shaah kī māzūlī kā
aur fidā bhī haiñ na.e taḳht-nashīñ par sāhab

jo maze aaj tire ġham ke azāboñ meñ mile
aisī lazzat kahāñ saaqī kī sharāboñ meñ mile

jab dahr ke ġham se amaañ na milī ham logoñ ne ishq ījād kiyā
kabhī shahr-e-butāñ meñ ḳharāb phire kabhī dasht-e-junūñ ābād kiyā

hai rahīn ġham mirī justujū ye hai kaisā gulshan-e-rañg-o-bū
yahāñ kuchh gulo kī talāsh meñ ka.ī ḳhaar maiñ ne chubho liye

sabhī log mast-e-shu.ūr haiñ ki ḳhudī ke nashshe meñ chuur haiñ
koī ġham-shanās nahīñ yahāñ ġham-e-dil kisī pe na kholiye

ye unhīñ kā nuur hai jis meñ ham chale hausle se qadam qadam
jo sarishk ġham ke bahā liye jo diye vafā ke sañjo liye

nākām merī koshish-e-zabt-e-alam nahīñ
yuuñ mutma.in huuñ jaise mujhe koī ġham nahīñ

tere sivā kisī se ujāloñ kī bhiik le
kam-zarf is qadar to mirī shām-e-ġham nahīñ

qaum ke dard se huuñ soz-e-vafā kī tasvīr
merī rag rag se hai paidā tap-e-ġham kī tāsīr