Tags-Gham

jis ġham kā ta.alluq ho tujh se
vo raas nahīñ aur raas bhī hai

ījād ġham huā dil-e-muztar ke vāste
paidā junūñ huā hai mire sar ke vāste

jahāñ ke sab ranj-o-ġham miTā de mire muqaddar ko phir jagā de
ilāhī 'ḳhushtar' kī iltijā ye mudām terī janāb meñ hai

aql rahtī hai ġham jahāñ sab kī
vo bhī āḳhir koī jahāñ to hai

lauT aate the usī ġham kī taraf ham phir se
jab bhī chāhat kā tirī ham ne kināra dekhā

ham ko kis ke ġham ne maarā ye kahānī phir sahī
kis ne toḌā dil hamārā ye kahānī phir sahī

ġhamoñ ne gher liyā hai mujhe to kyā ġham hai
maiñ muskurā ke jiyūñgā tirī ḳhushī ke liye

agar dil vāqif-e-nairañgī-e-tab-e-sanam hotā
zamāne kī do-rañgī kā use hargiz na ġham hotā

ye pāband-e-musībat dil ke hāthoñ ham to rahte haiñ
nahīñ to chain se kaTtī na dil hotā na ġham hotā

unhīñ kī be-vafā.ī kā ye hai āThoñ-pahar sadma
vahī hote jo qaabū meñ to phir kaahe ko ġham hotā

bahut achchhā huā aa.e na vo merī ayādat ko
jo vo aate to ġhair aate jo ġhair aate to ġham hotā

ek ik kar ke vo ġham-ḳhvār sitāre mere
ġham sar-e-vus.at-e-aflāk hue jaate haiñ

kaun hogā jise maiñ apnā kahūñgā ai dil
rūThe jaate haiñ vo ġham-ḳhvār ḳhudā ḳhair kare

hai āḳhir kis liye qazzāq-e-ġham paiham ta.āqub meñ
tasarruf meñ hamāre kyā koī lamha ḳhushī kā hai

raat bhī baaqī hai sahbā bhī shīsha bhī paimāna bhī
aise meñ kyuuñ chheḌ na deñ ham zikr-e-ġham-e-jānāna bhī

karb vahshat ġham masā.il ke tufail
aaj tak zinda ba-hamdillāh huuñ

dil mirā muztar bahut paiham rahā
zindagī meñ jab musalsal ġham rahā

vo ek tū ki tire ġham meñ ik jahāñ ro.e
vo ek maiñ ki mirā koī rone vaalā nahīñ

be-mehrī-e-duniyā kī kaḌī dhuup meñ akasr
dekhā hai ki jhulsā diyā jab ġham kī tapish ne

hamārī zaat se taklīf pahuñche koī nā-mumkin
koī nāhaq agar rūThe to us kā ġham nahīñ karte