Tags-Gham

nālāñ jo haiñ jahāñ meñ ġham-e-ishq se tire
nāqūs un ko hech hai bāñg-e-azāñ hai hech

kaun sā ishq-e-butāñ meñ hameñ sadma na huā
dard-e-furqat na huā ġham na huā kyā na huā

ġham nahīñ ham tabāh ho ke rahe
hādsa bhī to nā-gahāñ na rahā

dil hī sahī samjhāne vaalā
koī to hai ġham khāne vaalā

jo ġham meñ jalte rahe umr-bhar diyā ban kar
bujhā ga.ī hai unheñ maut ab havā ban kar

jo tū ne mujh ko ġham-e-lā-zavāl baḳhshā thā
vo zindagī meñ rahā merā rahnumā ban kar

marte dam naam tirā lab ke jo aa jaa.e qarīb
jī ko ThanDak ho tap-e-ġham na mire aa.e qarīb

ġham-e-dūrī se tire kūche ke royā āshiq
vaañ se jab rauza-e-rizvān use laa.e qarīb

bār-e-ġham-e-hayāt se shāne hue haiñ shal
uktā ke zindagī se ajal chāhte haiñ log

darkār hai najāt ġham-e-rozgār se
mirrīḳh chāhte haiñ na zuhal chāhte haiñ log

dil ne ġham-e-be-hisāb kyā kyā dekhā
āñkhoñ se jahāñ meñ ḳhvāb kyā kyā dekhā

bas naqd-e-jāñ hī sirf 'asar' ne kiyā nisār
ġham kī tire sab aur mudārāt rah ga.ī

vo mere dard mire ġham ko bāñTne vaalā
ik aur karb mujhe daan kar gayā āḳhir

jaate jaate ġham kī daulat tum ne bhar dī jholī meñ
ab ye ziist kā sarmāya hai ma.amūlī ḳhairāt nahīñ

tan-āsāno ulfat se baaz aao tum se
uTheñge na ġham ke su.ūbāt hargiz

vo guzrī hai ham par jo majnūñ pe guzrī
badalte nahīñ ġham ke hālāt hargiz

ġham nahīñ ab milī haiñ jo tanhā.iyāñ
anjuman anjuman thā fasāna mirā

zālim mujhe phir saikḌoñ ġham dene lagā hai
maiñ zindagī meñ ek ḳhushī jab DhūñD rahā huuñ

na dil meñ ġham na hoñToñ par hañsī hai
ḳhudāvandā ye kaisī zindagī hai

bahut aa.e hamdam o chāra-gar jo numūd-o-nām ke ho ga.e
jo zavāl-e-ġham kā bhī ġham kare vo ḳhush-āshnā koī aur hai