Tags-Ghar

ik vus.at-e-ḳhayāl ki lafzoñ meñ ghir ga.ī
lahja kabhī jo ham ko karam-āshnā milā

jo phūloñ aur kāñToñ kī pahchān nahīñ rakhtā
phuul nahīñ rukte ghar us kā bhī mahkāne se

ik us ke chale jaane se kyā haal hai 'māhir'
hasrat-zada ghar ke dar-o-dīvār se pūchho

safar kahne ko jaarī hai magar azm-e-safar ġhā.eb
ye aisā hai ki jaise ghar se hoñ dīvār-o-dar ġhā.eb

Dhalegī shaam jahāñ kuchh nazar na aa.egā
phir is ke ba.ad bahut yaad ghar kī aa.egī

be-sabab Thiik nahīñ ghar se nikal kar jaanā
justujū ho koī dil meñ to safar par jaanā

din ke tapte hue mausam meñ bhaTaknā har-sū
shaam aa.e to parindoñ kī tarah ghar jaanā

log jaltā huā ghar dekh ke ḳhush hote haiñ
aur ham ne use ab apnā muqaddar jaanā

maiñ apnā dasht apne saath le kar ghar se niklā huuñ
fanā karnā hai ḳhud ko aur alal-ailān karnā hai

vo apne ghar ke darīchoñ se jhāñktā kam hai
ta.alluqāt to ab bhī haiñ rābta kam hai

bilā sabab hī miyāñ tum udaas rahte ho
tumhāre ghar se to masjid kā fāslā kam hai

rasta ho agar yaad to ghar lauT bhī jā.ūñ
laa.ī thī kisī aur kī bīnā.ī yahāñ tak

mahfil meñ bhī tanhā.ī ne pīchhā nahīñ chhoḌā
ghar meñ na milā maiñ to chalī aa.ī yahāñ tak

vo thā kuchh us ke bachche the kuchh saath the aur kuchh ghar vaale
ā.īne se kore dil vaale kohsār se ūñche sar vaale

ye dastak aur ye dar merā nahīñ hai
ab is bastī meñ ghar merā nahīñ

safar hai aur hī darpesh mujh ko
ye musht-e-ḳhāk ghar merā nahīñ hai

ye kis āñgan meñ jhuktā jā rahā hai
shajar merā hai ghar merā nahīñ hai

ilāhī mire dost hoñ ḳhairiyat se
ye kyuuñ ghar meñ patthar nahīñ aa rahe haiñ

har āshnā nigāh yahāñ ajnabī lagī
majbūr ho ke ghar se nikalnā paḌā mujhe

ghar ke andar itnī galiyāñ paḌtī haiñ
kabhī-kabhār hī bāhar jaanā hotā hai