Tags-Ghar

maiñ ghar se bichhḌā thā jab
to aksar

ham se apne gaañv kī miTTī ke ghar chhīne ga.e
jis tarah shahrī parindoñ se shajar chhīne ga.e

is qadar baḌhne lage haiñ ghar se ghar ke fāsle
dostoñ se shaam ke paidal safar chhīne ga.e

jitnā sakūñ milā hai tire saath raah meñ
itnā sukūn to mujhe ghar ne nahīñ diyā

dil ke dariyā ko kisī roz utar jaanā hai
itnā be-samt na chal lauT ke ghar jaanā hai

ḳhud meñ jhāñkā to ajab manzar nazar aayā mujhe
apne andar bhī ajā.ib ghar nazar aayā mujhe

dasht meñ bhī kabhī is tarah na jī lagtā thā
ab ke dīvāngī badlī hai ki ghar badlā hai

inqalāb aayā hai is tarah bhī ghar meñ akasr
dar se dīvār na dīvār se dar badlā hai

sub.h dam ghar se jo TukḌā vo qamar kā niklā
kāñptā sharq se ḳhurshīd-e-sahar kā niklā

jaan chorī ga.ī nuqsān huā dil ke sabab
dosh diije kise ye bhedī to ghar kā niklā

ghar kī chhat se chāñd par sīḌhī lagā.ūñgā
koī aa.e yā na aa.e maiñ to jā.ūñgā

phir na aayā ḳhayāl jannat kā
jab tire ghar kā rāsta dekhā

umiid aur ḳhauf nāchte haiñ
vo nāch-ghar hai makān kyā hai

ghanī ābādiyoñ kī be-amānī kā tamāshā kar
nikal kar ghar se marg-e-nā-gahānī kā tamāshā kar

fasīl-e-shahr-e-tamannā meñ dar banāte hue
ye kaun dil meñ dar aayā hai ghar banāte hue

raat ke saath 'asar' lauT ke ghar jaatā hai
rāsta dekh rahā hogā darīcha apnā

ghar se bāhar nikal karvaTeñ mat badal chal mire saath chal āñsuoñ meñ na Dhal
dekh le shāḳh par ek bhīgā kañval muskurāne lagā tū use bhuul jā

maiñ basātā thā us ke dil meñ ghar
aur qismat meñ be-gharī thī abhī

'nāz' ghar se liye jaatā hai sū-e-dasht mujhe
vo junūñ jis se bayābāñ ko bhī aar aa jaa.e

ek parinde kī zad meñ aa.ī huī
ik parinde kā ghar hai ye duniyā