Tags-Ghar

bahut se aur bhī ghar haiñ ḳhudā kī bastī meñ
faqīr kab se khaḌā hai javāb de jaao

ḳhvāb meñ dekhte haiñ khiḌkiyāñ har ghar kī khulī
duur ho jā.egā ab shahr se Dar jānte haiñ

chalo ye maanā ki mere ghar kī ghuTī ghuTī sī fazā thī lekin
tirī muñDeroñ kī Dāliyoñ par bujhī diyoñ kī qatār kaise

ab kaun muntazir hai hamāre liye vahāñ
shaam aa ga.ī hai lauT ke ghar jaa.eñ ham to kyā

ghar ke andar sīdhe sachche log mile
beTā pardesī ho kar chālāk huā

ghir jaatā hai dil dard kī har band galī meñ
chāho ki nikal jaa.eñ to rasta nahīñ hotā

ik saaya kal milā thā tire ghar ke ās-pās
hairān khoyā khoyā sā kuchh sochtā huā

shāyad havā-e-tāza kabhī aa.e is taraf
rakkhā hai maiñ ne ghar kā darīcha khulā huā

ham daraḳhtoñ ke to phal bhī nahīñ badle ab tak
in parindoñ kā to ghar-bār badal jaatā hai

āñkhoñ ke ghar meñ aa.ī nahīñ raushnī 'kuñvar'
TuuTā hai phir se niiñd kā taalā to kyā huā

na jaane kaise safar kī hai aarzū dil meñ
maiñ apne ghar meñ paḌā huuñ musāfiroñ kī tarah

aa jā.iyegā shauq se be bechain jab ho dil
darvāza apne ghar kā khulā chhoḌ jā.ūñgā

be-sar-o-sāmāñ pe dildārī kī chādar Daal dī
be-dar-o-dīvār thī maiñ mujh ko ghar us ne kiyā

tūfānī bārish ghar meñ sailāb kā aalam
ThanDā chūlhā bhūkā bachpan yaad aatā hai

maiñ ghar ga.ī thī kahīñ vahshatoñ ke jañgal meñ
thā ik hujūm mire aas paas āñkhoñ kā

kis taraf jā.ūñ ki ho in do balāoñ se najāt
āsmāñ ghar ghar yahī hai aur yahī ghar ghar zamīñ

vo jin ko mere ghar kā nishāñ bhī nahīñ milā
hairāñ haiñ mujh ko dekh ke zinda zamīn par

maiñ lauT aayā dabe paañv ghar ke āñgan se
makān ġhair kā darvāza apne ghar kā thā

manzaroñ se bahalnā zarūrī nahīñ ghar se bāhar nikalnā zarūrī nahīñ
dil ko raushan karo raushnī ne kahā raushnī ke liye ek taaza ġhazal

na maañ kā pyaar mayassar na apne ghar kā sakūñ
vo kaise log haiñ jā kar qatar meñ rahte haiñ