Tags-Ghar

kahā is ghar ke āñgan meñ haiñ kuchh phūloñ ke paude bhī
javāb aayā ki ḳhālī phir bhī har gul-dān rahtā hai

mātam hai bapā tark-e-mohabbat kā mire ghar
kuchh lamhe siyāh-posh mire dar pe khaḌe haiñ

phūl, paude, peḌ, bachche ghar kā āñgan aur tum
ḳhvāhishoñ ke naam par in sab ko yakjā kar diyā

usī kā hukm hai tārīk ghar ko rakhne kā
magar charāġh-e-dil-o-jāñ jalā ke dekhtā hai

bait-us-sanam meñ jā kar hamdam ba-rabb-e-ka.aba
laayā huuñ us sanam ko ghar tak ḳhudā ḳhudā kar

tujh ko patañg uḌāte dekhā jo āshiqoñ ne
kaT mar ke baiThe akasr ghar-var luTā luTā kar

us kī tanhā.ī kā aalam dosto mat pūchhiye
ghar kī har dīvār se vo maslahat kartā rahā

ye abhī tak nahīñ khulā mujh par
ghar meñ hote hue bhī be-ghar huuñ

jab chāñdniyāñ ghar kī dahlīz pe chaltī haiñ
āseb-zada rūheñ saḌkoñ pe Tahaltī haiñ

ma.asūm umīdeñ haiñ hālāt kī gardish meñ
ghar meñ kisī muflis ke shahzādiyāñ paltī haiñ

qismat meñ ḳhushī jitnī thī huī aur ġham bhī hai jitnā honā hai
ghar phūñk tamāshā dekh chuke ab jañgal jañgal ronā hai

mere ghar ko ujāḌne vaale
jā tujhe āsmāñ sazā degā

aag degā zamāna ghar ko mire
aur sho.aloñ ko phir havā degā

hamāre ghar ke āñgan meñ sitāre bujh ga.e lākhoñ
hamārī ḳhvāb gāhoñ meñ na chamkā sub.h kā sūraj

maiñ apne jism ke murda ajā.ib-ghar kī zīnat huuñ
mujhe dīmak kī sūrat chāTtī hai zindagī merī

ghar sajānā to kujā 'shāz' luTā bhī na sakūñ
in se shikva hai ki vo kyuuñ mire mehmān bane

har aadmī ke dil meñ ghar kar rahī hai 'shātir'
mahbūb mehrbāñ hai urdu zabāñ hamārī

ghar baiThe sair hotī hai arz-o-samā kī roz
mahv-e-safar haiñ tab.a kī jaulāniyoñ se ham

jo yaar aatā hai mere ghar meñ to jald ḳhāna-ḳharāb uḌ jā
jahāñ meñ terā shugūñ ye sab par hai zaaġh raushan murād hāsil

jise kahīñ se samundar ne lā ke pheñk diyā
tumhāre saath ik aise hī ghar meñ ham bhī haiñ