Tags-Ghar

kisī ke sāmne dāman pasāre se milegā kyā
agar insān ho ḳhuddāriyoñ se ghar bhare rakhiyo

ḳhudā kā ghar na baḳhshā zālimoñ ne
ka.ī dair-o-haram TuuTe hue haiñ

bachpan ke is ghar ke saare kamre maliyā-meT hue
jis meñ ham khelā karte the vo dālān abhī baaqī hai

galī meñ koī ghar achchhā nahīñ thā
magar kuchh khiḌkiyāñ achchhī lagī haiñ

dekhā asar tumhārā bhī ai chashm-e-ashk-bār
kuchh kar sake na us kā ghar apnā Dubo sake

ai dil kisī kī yaad bhī aur iztirāb bhī
itnā nahīñ ḳhayāl ki mehmān ghar meñ hai

dīvāroñ meñ dar hotā to achchhā thā
apnā koī ghar hotā to achchhā thā

man.a karte ho abas yaaro aaj
us ke ghar jā.eñge par jā.eñge ham

kashish-e-dasht-e-balā hubb-e-vatan dāman-gīr
aaj ghar chhuTtā hai pahle-pahal āvāroñ se

koī manzil nahīñ baaqī hai musāfir ke liye
ab kahīñ aur nahīñ jā.egā ghar jā.egā

khiḌkiyāñ kis tarah kī haiñ aur dar kaisā hai vo
sochtā huuñ jis meñ vo rahtā hai ghar kaisā hai vo

behtar yahī hai qasd udhar kā kareñ na vo
aisā na ho ki raah meñ dushman kā ghar paḌe

nikle agar haram se to 'akbar' ke ghar paḌe

saare kamre ḳhālī ghar sannāTā hai
bas kuchh yādeñ haiñ jo taaq pe rakkhī haiñ

vo mai-kade ko jagāne vaalā vo raat kī niiñd uḌāne vaalā
ye aaj kyā us ke jī meñ aa.ī ki shaam hote hī ghar gayā vo

nikal chale to haiñ tarġhīb-e-dil pe ham ghar se
kahāñ lageñge Thikāne ye ab ḳhudā jaane

kahīñ zamīn ke paar aur āsmān ke paar
parinde DhūñD rahe haiñ ghar is jahān ke paar

kyā ḳhatā merī ki jo bachcha huā juḌvāñ huā
aur ma.a ham-zād aajiz hī ke ghar mehmāñ huā

ghar meñ motor bhī barā.e-bār-bardārī nahīñ
saath le jaane meñ bachchoñ ke ba-juz-ḳhvārī nahīñ

iiñT aur patthar kā ghar nahīñ milā to kyā
dushmanoñ ke dil meñ bhī ham ne ghar banāyā hai