Tags-Ghar

zaḳhmoñ ko nok-e-ḳhār kī lazzat pasand thī
vaise tumhāre ghar ke ka.ī rāste the aur

phir is ke ba.ad ka.ī rāste ka.ī ghar the
vo moḌ tak mujhe ruk ruk ke dekhtā aayā

maiñ us ko DhūñDne niklā to mere jaane ke ba.ad
galī galī mujhe ghar tak vo pūchhtā aayā

patthar ke sivā 'chāñd' yahāñ kuchh na milegā
baiThā hai sajā.e hue shīshoñ kā tū ghar kyuuñ

tā-abad ḳhālī rahe yā-rab diloñ meñ us kī jā
jo koī laave mire ghar us ke aane kī ḳhabar

be-yār jab lage mujhe zindāñ se ghar batar
barbād kyūñki ishq meñ phir ḳhāndāñ na duuñ

ye mustatīl sā ḳhāka ki jis ko ghar kahiye
usī ke dā.era o dar meñ merī jannat hai

ai dil hujūm-e-dard-o-alam se na tañg ho
ḳhāna-ḳharāb ḳhush ho ki ābād ghar to hai

shahr sahrā hai ghar bayābāñ hai
dil kisī anjuman kā ḳhvāhāñ hai

apne siine meñ dabā rakkhā hai maiñ neñ us kā dil
āḳhirash thak jā.egā to apne ghar aa jā.egā

udaas āñkheñ sulagte chehroñ kī mujh ko āvāz de rahī haiñ
kabhī jo ābād rah chukā hai vo ghar mirī ḳhaak meñ milegā

hazār ranj-e-safar hai hazar ke hote hue
ye kaisī ḳhāna-badoshī hai ghar ke hote hue

lauT ā.eñge phir ghar kī taraf shaam ko panchhī
pairoñ se lipaTtī huī zanjīr to dekho

ye to dhamkī hai ki vo ġhair ke ghar jā.eñge
ham-nashīñ dekhnā hir-phir ke idhar ā.eñge

ek dil meñ saikḌoñ ġham kā hujūm
phir bhī us ghar kī na vīrānī ga.ī

ujaaḌ ghar meñ ye ḳhushbū kahāñ se aa.ī hai
koī to hai dar-o-dīvār ke alāva bhī

ḳhvāb kyā thā jo mire sar meñ rahā
raat bhar ik shor sā ghar meñ rahā

mirā us ke pas-e-dīvār ghar hotā to kyā hotā
qazā se ai falak gar is qadar hotā to kyā hotā

har shaḳhs ghir gayā hai na.e iztirāb meñ
toḌā hai jis ne qufl dar-e-iztirāb kā

maiñ shahr kī raunaq meñ gum ho ke bahut ḳhush thā
ik shaam bachā letā ik roz to ghar jaatā