Tags-Ghar

ek ujḌe hue vīrān se ghar se 'almās'
koī aahaT koī dastak sī magar aatī hai

sar par hamāre sāya-e-dīvār bhī nahīñ
sūraj sā ham faqīroñ kā ghar-bār bhī nahīñ

dāvat thī raqīb kī mire ghar
juutī meñ daal kyā baTī hai

safar meñ der talak ham-safar thā ghar fārūq
nazar meñ duur talak aks bām-o-dar ke ga.e

dil kī bisāt kyā thī jo sarf-e-fuġhāñ rahā
ghar meñ zarā sī aag kā kitnā dhuāñ rahā

tinkā nahīñ rahā hai kyā ab nisār kariye
aage hī ham to ghar ko jārūb kar chuke haiñ

mohabbat ke rāste meñ
ek ghar hai

maiñ hāthoñ meñ ḳhanjar le kar soch rahā huuñ
lauTūñgā to merā bhī ghar zaḳhmī hogā

tire uThte hī pahlū meñ dard uThā tire jaate hī dam ye adam ko chalā
mujhe chhoḌ ke aah tū ghar ko na jā tujhe apne hī funduq-e-pā kī qasam

suno serī na ho mujhe khaao ajī mujhe piiTo jo mujh ko girāo ajī
mire ghar se na aaj to jaao ajī tumheñ merī hī shab kī bukā kī qasam

ḳhud apne ghar meñ haiñ is tarah aaj aa.e hue
ki jaise ghar meñ kisī ke hoñ ham bulā.e hue

ki jaise ab koī ḳhurshīd aa hī jā.egā
haiñ apne ghar ke añdheroñ se lau lagā.e hue

muntazir rahnā bhī kyā chāhat kā ḳhamyāza nahīñ
kaan dastak par lage haiñ ghar kā darvāza nahīñ

dasht meñ ghaas kā manzar bhī mujhe chāhiye hai
sar chhupāne ke liye ghar bhī mujhe chāhiye hai

sirf dīvāroñ se hotī nahīñ ghar kī takmīl
chhat bhī darkār hai aur dar bhī mujhe chāhiye hai

unheñ haq hai vo mujh se ruuTh jaa.eñ
magar dil meñ raheñ ye un kā ghar hai

din kī ḳhandaq kā dhuāñ shahr se aage bhī gayā
kis tarah ghar kā pata koī parinda jaane

kaise apnī hañsī ko zabt karūñ
sun rahā huuñ ki ghar gayā huuñ maiñ

dekhte dekhte ik ghar ke rahne vaale
apne apne ḳhānoñ meñ baT jaate haiñ

iflās ke shabāb-e-muqaddas meñ bārhā
aayā hai pūchhne mire ghar par ḳhudā mujhe