Tags-Ghar

koī rahne kī jagah hai mire sapnoñ ke liye
vo gharauñdā hī sahī miTTī kā bhī ghar hotā hai

maiñ makīñ huuñ na makāñ shahr-e-mohabbat kā 'zafar'
dil musāfir na kisī ġhair ke ghar jā.egā

taḳhlīq ḳhud kiyā thā kal apne meñ ek ghar
ab ghar se ḳhalq chand makīñ kar rahe haiñ ham

merā jaltā huā ghar dekh ke ham-sā.e mire
ghar se nikle to magar ashk bahāne nikle

is ghar meñ rakkhā hī kyā thā
maiñ ne ghar meñ aag lagā dī

vo āveñge mire ghar va.ada kaisā dekhnā 'ġhālib'
na.e fitnoñ meñ ab charḳh-e-kuhan kī āzmā.ish hai

band rakkhe ḳhud hamīñ ne jab sabhī dīvār-o-dar
kis tarah phir jhāñk kar us ghar ke andar dekhte

ka.ī charāġhoñ ne ūdham machā.ī thī ik shab
tabhī se Duub gayā ghar kā ghar añdhere meñ

yahī yādeñ haiñ le jā.eñgī ham ko āḳhrī dam tak
na koī ham-safar hogā na jā.egā koī ghar tak

na jaane log Thaharte haiñ vaqt-e-shām kahāñ
hameñ to ghar meñ bhī rukne kā hauslā na huā

na.e makīn haiñ ab vaañ use ḳhabar kab thī
baḌe ḳhulūs se vo mere ghar gayā hogā

shikāyat mujh se ye aksar dar-o-dīvār karte haiñ
ki ab is ghar se sannāTe bahut bezār karte haiñ

ye ghar sarāb-e-tamannā dikhā.ī detā hai
jise bhī dekhiye pyāsā dikhā.ī detā hai

bisāt-e-zindagī to har ghaḌī bichhtī hai uThtī hai
yahāñ par jitne ḳhāne jitne ghar haiñ

vo kaun thā jo le ke mujhe ghar se chal paḌā
sūrat ḳhizar kī thī na vo chehra ḳhizar kā thā

naam ke apnoñ ne tā-umr kiyā hai rusvā
ab to Darte hue ham apne bhī ghar jaate haiñ

dil-e-dīvāna ki bhūle hī se ghar rahtā hai
zikr kyuuñ us kā magar shām-o-sahar rahtā hai

kunj-e-uzlat meñ misāl-e-āsiyā huuñ gosha-gīr
rizq pahuñchātā hai ghar baiThe ḳhudā mere liye

'riyāz' ma.ashūq-e-māh-paikar koī na koī hai jalva-gustar
ki shaam aa.ī hai jo mire ghar vo chāñd laa.ī hai chaudhvīñ kā

dil bache kyūñkar butoñ kī chashm-e-shoḳh-o-shañg se
apnā ghar to sūjhtā hai saikḌoñ farsañg se