English
Favourite
Favourite
UrduShayarUrduShayar
Expand menu
Sign inAccount

Tags-Ghar

aaj aayā vo mire ghar to ye mahsūs huā
māhtāb utrā ho jaise mirī añgnā.ī meñ
Ghazal
 huk uThti hai mere qalb ki gahrai mein
ghar meñ mehmāñ agar aa.eñ to ḳhushī hotī hai
maiñ kasar kuchh nahīñ rakhtā huuñ pazīrā.ī meñ
Ghazal
 huk uThti hai mere qalb ki gahrai mein
sabr mushkil thā mohabbat kā asar hone tak
jaan Thahrī na dil-e-dost meñ ghar hone tak
Ghazal
 sabr mushkil tha mohabbat ka asar hone tak
tasle meñ bhar ke paanī munne se bolīñ daadī
lo dekh lo ghar meñ maiñ ne nadī banā dī
Nazm
 munne ki naw
ab to 'qā.em' hai kuuch hī kī salāh
yuuñ ghar apnā hai phir jab ā.iyegā
Ghazal
 din hi miliyega ya shab aaiyega
huā jo sahl us ke ghar kā rāsta
maza hī kuchh takān meñ nahīñ rahā
Sher
 hua jo sahl uske ghar ka rasta
qafas bhī bigḌī huī shakl hai nasheman kī
ye ghar jo phir se sañvar jaa.e āshiyāñ ho jaa.e
Sher
 qafas bhi bigDi hui shakl hai nasheman ki
khul chukī haiñ us ke ghar kī khiḌkiyāñ mere liye
ruḳh mirī jānib rahegā be-ruḳhī jaisī bhī hai
Ghazal
 ab nibhani hi paDegi dosti jaisi bhi hai
jo aañkh kī putlī meñ rahā nuur kī sūrat
vo shaḳhs mire ghar ke añdhere kā sabab hai
Sher
 jo aankh ki putli mein raha nur ki surat
bichhā huā koī tanhā.iyoñ kā jaal na thā
tire firāq se pahle ye ghar kā haal na thā
Ghazal
 bichha hua koi tanhaiyon ka jal na tha
thak ke baiThūñ to mujhe rasta nazar aa.egā
shaam is dasht meñ guzregī to ghar aa.egā
Ghazal
 thak ke baiThun to mujhe rasta nazar aaega
ai mire dil ke sulagte hue daġho bhaḌko
hijr kī raat vo jaltā huā ghar dekheñge
Ghazal
 bazm-e-jaanan mein mohabbat ka asar dekhenge
koī manzil nahīñ raste haiñ faqat chāroñ taraf
jo nikal aa.e haiñ ghar se vo kidhar jā.eñge
Ghazal
 aks jal jaenge aaine bikhar jaenge
dikhā.ī detī hai pahle to raushnī ghar kī
nafī meñ sar ko hilātā hai phir ḳhayāl koī
Ghazal
 wo ehtiyat ka aalam pas-e-sawal koi
ab manzil-e-vajūd nahīñ dil kī kā.enāt
is ghar meñ ek maiñ huuñ koī baam par nahīñ
Ghazal
 patte nahin kahin hari shaKH-e-shajar nahin
tū rāhat-e-vajūd hai tū rūh-e-kā.enāt
is ghar meñ tū nahīñ hai to ye merā ghar nahīñ
Ghazal
 patte nahin kahin hari shaKH-e-shajar nahin
dekh kar ka.abe ko ḳhālī maiñ ye kah kar aa gayā
aise ghar ko kyā karūñgā jis ke andar tū nahīñ
Sher
 dekh kar kabe ko Khaali main ye kah kar aa gaya
qafas ko toḌ ke maiñ bāl-o-par bhī dekhūñgā
jo bāl-o-par hoñ salāmat to ghar bhī dekhūñgā
Ghazal
 qafas ko toD ke main baal-o-par bhi dekhunga
milūñgā tum se to māñgūñgā roz-o-shab kā hisāb
rahūñgā ghar meñ to phir bām-o-dar bhī dekhūñgā
Ghazal
 qafas ko toD ke main baal-o-par bhi dekhunga
ye kyā jaadū hai vo jab bhī mire milne ko aatā hai
ḳhushī se ghar ke sab dīvār aur dar bol uThte haiñ
Ghazal
 dilon mein dushmanon ke is tarah Dar bol uThte hain
Top Urdushayar.com