Tags-Ghar

ḳhvāb meñ jaise ghar se nikal kar ghuum rahā ho koī
raat meñ aksar yuuñ bhī phirī hai tere liye ik zaat

vo havā kā chupke se jhāñknā kisī bhūle bisre madār se
kahīñ ghar meñ shahr kī zulmateñ kahīñ chhat pe chāñd kirā.e kā

ab bhalā chhoḌ ke ghar kyā karte
shaam ke vaqt safar kyā karte

raa.e pahle se banā lī tū ne
dil meñ ab ham tire ghar kyā karte

dil meñ haiñ ḳhār-e-ārzū lākhoñ
aao kāñToñ se ghar ko saaf karo

kāñToñ ke ḳhauf se bhī larazte ho tum 'munīr'
aur ghar bhī chāhte ho sajānā gulāb se

ye vāhime bhī ajab bām-o-dar banāte haiñ
havā kī shāḳh pe ḳhushbū kā ghar banāte haiñ

maiñ ki apnī qabr meñ bhī zinda huuñ ghar kī tarah
har kafan ko apne gird ehrām sā rakhtā huuñ maiñ

TuuTī huī sī ek 'kiran' hai kaafī añdhere vāloñ ko
ghar meñ ujālā DhūñDhne vaale ghar ko sajāne lagte hai

tujhe bhī bhuul jaatā ghar kā rasta
to mere paas jo baiThā nahīñ hai

chāñd barse tasalliyoñ kī tarah
ghar meñ do-chār khiḌkiyāñ rakhnā

ham imlāk-parast nahīñ haiñ par yuuñ hai to yūñhī sahī
ik tire dil meñ ghar hai apnā baaqī mulk sulaimāñ kā

tū ye na pūchh mire gaañv meñ haiñ ghar kitne
ye pūchh kaun se ghar meñ azaab kitne haiñ

jab ghar kī aag bujhī to kuchh sāmān bachā thā jalne se
so vo bhī un ke haath lagā jo aag bujhāne aa.e the

ghar se nikal bhī aa.eñ magar yaar bhī to ho
jī ko lage kahīñ koī kirdār bhī to ho

dahlīz apnī chhoḌ dī jis ne bhī ek baar
dīvār-o-dar hī us ko mile ghar nahīñ milā

ghar se hamārī āñkh-mīcholī rahī sadā
āñgan nahīñ milā to kabhī dar nahīñ milā

kyā hogā sar-e-shām jo ham hoñge na ghar meñ
ye soch ke ham shahr se hijrat nahīñ karte

tak rahe the tire ghar ko vo samāñ bhī kyā thā
tū guzartā hai havā aa.ī to ham ye samjhe

apne ghar meñ bhī to hai chain se sonā mushkil
chhat na gir jaa.e ye khaTkā sā lagā rahtā hai