Tags-Ghar

be-hijābī jo sahī hai tirī shoḳh āñkhoñ kī
rasm parde kī uThegī isī ghar se pahle

har shaḳhs ko mehmān banā legā vo lekin
mujh ko kabhī ghar apne Thaharne nahīñ degā

shanāvarī raas aa.e aisī samundaroñ meñ hī ghar banā le
kabhī talāsh-e-guhar meñ apne ta.iiñ vo ġharqāb dekhtā hai

mohabbat adāvat vafā be-ruḳhī
kirā.e ke ghar the badalte rahe

chhāñv un kī baḌī hī shītal hai
ghar meñ būḌhā bhī ik shajar rakhiye

chand masle hue safhāt liye baiThā hai
ghar kā būḌhā jo rivāyāt liye baiThā hai

jahāñ ghar hogā dar hogā hamārā
vahāñ se kab guzar hogā hamārā

dar-o-dīvār hī nazroñ meñ apnī ā.īna-ḳhāna
kyā kartī haiñ ghar baiThī hī apnā aap darshan ham

jise ġhaib aap samjhe haiñ shahādat jis ko jaane haiñ
binā rakhī haiñ apnī dil lagī kī ye ghar-āñgan ham

merā dil kis ne liyā naam batā.ūñ kis kā
maiñ huuñ yā aap haiñ ghar meñ koī aayā na gayā

gurez-pā hai nayā rāsta kidhar jaa.eñ
chalo ki lauT ke ham apne apne ghar jaa.eñ

phir ehtimām se aa.e haiñ ghir ke abr magar
vo kyā kare ki jise e'tibār-e-āb na ho

jo ghar se niklā hai paanī kī khoj meñ 'shāhid'
kahīñ vo dafn sar-e-rahguzār aab na ho

shahr meñ shor ghar meñ tanhā.ī
dil kī bāteñ kahāñ kare koī

mirī duniyā akelī ho rahī hai
tamannā ghar meñ tanhā so rahī hai

apne gharoñ se duur banoñ meñ phirte hue āvāra logo
kabhī kabhī jab vaqt mile to apne ghar bhī jaate rahnā

kyā pūchhte ho shahr meñ ghar aur hamārā
rahne kā hai andāz idhar aur hamārā

chal kahīñ duur chalte haiñ 'nādim'
ghar ko jaane meñ bhī rakhā hai kyā

chain rāhat se agar umr basar karnī hai
dil meñ aġhyār ke bhī uns se ghar paidā kar

ik ghar bhī salāmat nahīñ ab shahr-e-vafā meñ
tū aag lagāne ko kidhar jaa.e hai pyāre