Tags-Ghar

ḳhuub ga.e pardes ki apne dīvār-o-dar bhuul ga.e
shīsh-mahal ne aisā gherā miTTī ke ghar bhuul ga.e

khiḌkī se raushnī kī vazāhat pe ye khulā
dīvār kā javāz to ghar ke sabab se thā

shab to vo yaañ se ruuTh ke ghar jā ke so rahe
ham tañg aa ke jaan se kuchh khā ke so rahe

chhoḌā hai maiñ ne raat na ghar jaane ko unheñ
jab kuchh na bas chalā to vo jhunjhlā ke so rahe

hai kaun sī vo shab jo sahar tak na jaage ham
kis din na aap ġhair ke ghar jā ke so rahe

rāstoñ meñ ik nagar ābād hai
is tasavvur hī se ghar ābād hai

kis bevafā pe martā hai kyā kījiye use
ghar aur ho kahīñ dil-e-ḳhāna-ḳharāb kā

aaj se pahle kab the vatan meñ be-vatanī ke ye lachchhan
logoñ ko ye kahte sunā hai ghar bhī ġhurbat-ḳhāne haiñ

ye bhī TuuTā to kahāñ jā.eñge ham
ik tasavvur hī to hai ghar āḳhirī

ḳhvāb kā jashn manāne ke liye
log sunte haiñ ki ghar ghar jaage

kyā ġharaz ham ko vahāñ ab koī bhī ābād ho
ham to us bastī se ghar apnā uThā kar le ga.e

kūza-gar ke ghar ummīdeñ aa.ī haiñ
miTTī ke putle meñ sāñseñ aa.ī haiñ

jañg to ho rahī hai sarhad par
apne ghar meñ lahūluhān huuñ maiñ

jo be-ghar haiñ unheñ ghar kī duā detī haiñ dīvāreñ
phir apne saa.e meñ un ko sulā detī haiñ dīvāreñ

mayassar ghar nahīñ jin ko jo rāhoñ meñ bhaTakte haiñ
'zafar' un ko makānoñ kā pata detī haiñ dīvāreñ

hai vo jaan ab har ek mahfil kī
ham bhī ab ghar se kam nikalte haiñ

vo vaqt aur the ki buzurgoñ kī qadr thī
ab ek būḌhā baap bhare ghar pe baar hai

dūsroñ ko bhī raushnī pahuñche
yuuñ diyā ghar ke darmiyān meñ rakh

chhai rañgoñ ke phuul khile haiñ
mere ghar ke aage

jazb-e-dil use khīñch ke laa.e to kahāñ laa.e
jo ġhair kā ghar hai vahī maskan hai hamārā