Tags-Ghar

qismat mirī rātoñ kī sañvarne nahīñ detā
vo chāñd ko is ghar meñ utarne nahīñ detā

jīvan ik be-ant safar hai
duniyā ek parāyā ghar hai

ghar se to chale aate haiñ bāzār kī jānib
bāzār meñ ye sochte phirte haiñ ki leñ kyā

maiñ ghar se jā rahā huuñ aur likhtā jā rahā huuñ
jahāñ tak ḳhvāhish-e-dīdār le kar jā rahī hai

bahut bardāsht hai dīvār-o-dar kī
kahāñ us ghar meñ varna apnī jā hai

koī āvārgī-e-shahr se bach hī na sakā
ab parinda bhī kahāñ shaam ko ghar aatā hai

vo to jaadū kā banā thā haa.e aisā hī na ho
lauT kar pahuñchūñ to dekhūñ ab vo ghar baaqī nahīñ

mere ghar kyūñki tū aave ki galī-kūchoñ meñ
tere mushtāq kahāñ aur kidhar hai ki nahīñ

maiñ is dil se nikal kar bām-o-dar taqsīm kartī huuñ
ki ḳhud be-ghar huuñ aur logoñ meñ ghar taqsīm kartī huuñ

dastār kāġhzī hai fazīlat hai naam kī
chhoToñ kī mehrbānī se ghar meñ baḌā huuñ maiñ

ka.aba sunte haiñ ki ghar hai baḌe daatā kā 'riyāz'
zindagī hai to faqīroñ kā bhī pherā hogā

mubādā mundamil zaḳhmoñ kī sūrat bhuul hī jaa.eñ
abhī kuchh din ye ghar barbād rakhnā chāhte haiñ

saaya hai pyaar kā na mohabbat kī dhuup hai
dīvār ke hisār ko ghar kah diyā gayā

mujh ko safar qubūl hai lekin hai ek shart
maiñ jis taraf bhī jā.ūñ mirā ghar dikhā.ī de

ye rāh-e-ishq hai āḳhir koī mazāq nahīñ
sa.ūbatoñ se jo ghabrā ga.e hoñ ghar jaa.eñ

isī ummīd par ban-bās kāTeñ
hameñ bhī ek din ghar lauTnā hai

ḳhud-kalāmī ke bhañvar meñ Dūbtī parchhā.īñ ban kar rah ga.e haiñ
is añdherī raat meñ ghar se nikalte to sitāra-yāb hote

kitne jugnū isī ḳhvāhish meñ mire saath chale
koī rasta tire ghar ko bhī to jaatā hogā

kar lo bāvar koī laayā hai ajā.ib-ghar se
jab kisī jism pe hañstā huā chehrā dekho

balā-e-shahr mujhe DhūñDhtī thī galiyoñ meñ
maiñ apne-āp ko ghar meñ chhupā.e baiThā thā