Tags-Ghar

dil-e-betāb ke hamrāh safar meñ rahnā
ham ne dekhā hī nahīñ chain se ghar meñ rahnā

vo de rahā thā mujhe aaj be-gharī kī duā
to yaad aayā bahut us kā dil meñ ghar karnā

dil-o-dīda do ghar haiñ tashrīf laa.eñ
sañvāre ga.e haiñ sajā.e ga.e haiñ

be-vatan maiñ huuñ magar ḳhush haiñ mire ghar vaale
itnā hāsil to huā ḳhaak badal jaane se

tez itnā hī agar chalnā hai tanhā jaao tum
baat puurī bhī na hogī aur ghar aa jā.egā

toḌ Daalā hai ḳhud apne aap ko
ek ghar ta.amīr karne ke liye

ik ma.asūm se pyaar kā tohfa ghar ke āñgan meñ paayā thā
us ko ġham ke pāgal-pan meñ koThe koThe baañT diyā hai

yahī hogā ki na aa.egī kabhī ghar mere
mujh ko duniyā-e-dunī aur sazā kyā degī

dar-ba-dar hone se pahle kabhī sochā bhī na thā
ghar mujhe raas na aayā to kidhar jā.ūñgā

intishār-o-ḳhauf har ik sar meñ hai
āfiyat se kaun apne ghar meñ hai

ābādiyoñ meñ dasht kā manzar bhī aa.egā
guzroge shahr se to mirā ghar bhī aa.egā

qayām-gāh na koī na koī ghar merā
azal se tā-ba-abad sirf ik safar merā

rok le ai zabt jo aañsū ki chashm-e-tar meñ hai
kuchh nahīñ bigḌā hai ab tak ghar kī daulat ghar meñ hai

'ahsan'-e-āvāra-qismat kī na pūchho gardisheñ
apne ghar baiThā huā taqdīr ke chakkar meñ hai

kabhī us ke ḳhayāloñ meñ nahīñ jaatī thī dariyā par
aur ab ye vaqt aayā hai ki ghar hone se Dartī huuñ

'az.har' yahāñ hai ab mire ghar kā akelā-pan
sūraj agar na ho to jagātā nahīñ koī

chhoḌ kar apnī zamīñ apnā samundar sā.īñ
maiñ bahut duur se aayā huuñ tire ghar sā.īñ

hai dil meñ ghar ko shahar se sahrā meñ le chaleñ
uThvā ke āñsuoñ se dar-o-bām dosh par

phailte hue shahro apnī vahshateñ roko
mere ghar ke āñgan par āsmān rahne do

laḌkiyoñ se galiyārī
khiḌkiyoñ se ghar raushan