Tags-Ghar

is tamāshe se nikal paañv to ghar bhī dekhūñ
ye tamāsha jo sar-e-rāhguzar lagtā hai

niiñd aa jaa.e to phir dhuup na saaya koī
paañv thak jaa.eñ to pardes bhī ghar lagtā hai

tavāf-e-ka.aba ko dekh to le taḌap rahā hai vajūd merā
na paañv ab mere uTh rahe haiñ na sāmne ghar vo aa rahā hai

ḳhuun mazdūr kā miltā jo na ta.amīroñ meñ
na havelī na mahal aur na koī ghar hotā

tirī talāsh meñ uTh uTh ke pāgaloñ kī tarah
shab-e-firāq meñ ghar se kahīñ nikal jaanā

andar andar khokhle ho jaate haiñ ghar
jab dīvāroñ meñ paanī bhar jaatā hai

manzil-e-ishq meñ aise aise hosh-rubā kuchh moḌ mile
raah dikhāne vaale ghar kā bhuul ga.e rastā sā.īñ

ye daatā kī den hai bādal ghir ke samundar par barsā
aur kināre pyāsā koī qatre ko tarsā sā.īñ

yaad nahīñ kyā kyā dekhā thā saare manzar bhuul ga.e
us kī galiyoñ se jab lauTe apnā bhī ghar bhuul ga.e

ḳhuub ga.e pardes ke apne dīvār-o-dar bhuul ga.e
shīsh-mahal ne aisā gherā miTTī ke ghar bhuul ga.e

ye hasrat hai kahūñ maiñ dostoñ se
huī ab shaam ghar jaanā hai mujh ko

ālam-e-be-sar-o-sāmāñ nahīñ guzrā tum par
tum ne kab aag meñ jalte hue ghar dekhe haiñ

ik havā aa.ī hai dīvār meñ dar karne ko
koī darvāza khulā hai mujhe ghar karne ko

maiñ ghar ko phūñk rahā thā baḌe yaqīn ke saath
ki terī raah meñ pahlā qadam uThānā thā

sar par hamāre dhuup kī chādar sī tan ga.ī
ghar se chale to shahr ke manzar badal ga.e

ye shīsha-ghar abhī tak arsa-e-takmīl meñ hai
ye ḳhvāb-e-ḳhūbsūrat mo.ariz-e-ījād meñ hai

ḳhayāl ḳhātir-e-abr-e-bahār kar na sake
ḳhizāñ ne luuT liyā ab ke ghar kā ghar kaisā

ham ahal-e-ḳhair nikal aa.e kis ḳharābe meñ
nizām-e-shar meñ banā.eñ ab apnā ghar kaisā

ham apne ghar meñ haiñ zinda misāl shabnam-e-gul
banā hai partav-e-ḳhur ye hisār-e-dar kaisā

sañg-e-dar se tire nikālī aag
ham ne dushman kā ghar jalāne ko