Tags-Ghar

khichā hai zartār shāmiyāna guloñ se aatī hai bū shahāna
dikhā ke qudrat kā kārḳhāna lahad ne hasrat bhulā dī ghar kī

sach se
ghar nahīñ bante

bargashta-tāla.ī kā tamāshā dikhā.ūñ maiñ
ghar ko lage jo aag to paanī bujhā.ūñ maiñ

ghar meñ jo mujh faqīr ke vo shāh-e-husn aa.e
mizhgāñ ke boriye jo khaḌe haiñ bichhā.ūñ maiñ

bār-hā jī meñ ye aa.ī umr-e-rafta se kahūñ
shaam hone ko hai ai bhūle musāfir ghar to aa

kaañp uTThī hai kisī aur ke ghar kī buniyād
aur koī chīḳhtā hai mujh meñ bachā le mujh ko

ghar meñ thā kyā ki tirā ġham use ġhārat kartā
vo jo rakhte the ham ik hasrat-e-tāmīr so hai

qadam qadam pe hai bastī meñ vahshiyoñ kā hujūm
chalo kahīñ kisī sahrā meñ ghar banāyā jaa.e

mafar muhāl hai qaid-e-makāñ se jab 'irfāñ'
to kyuuñ na phir isī gumbad ko ghar banāyā jaa.e

maiñ bhī huuñ zaḳhm zaḳhm tire intizār meñ
ik shaam rahguzar mirā vīrān ghar bhī hai

va.ada to ye ki ghar meñ basā.eñge ham tumheñ
phir ham ko qaidī-e-dar-o-dīvār karte ho

jis tarah se phūloñ kī Dāliyāñ mahaktī haiñ
mere ghar ke āñgan meñ beTiyāñ mahaktī haiñ

ho ga.ī 'razā' ruḳhsat ghar se beTiyāñ lekin
ab talak nigāhoñ meñ Doliyāñ mahaktī haiñ

naam ko dil meñ jagah chhoḌī na dāġh-e-ishq ne
ek mehmāñ aisā aayā jis ne saarā ghar liyā

ai 'razā' raah meñ ḳhizr kī mat raah dekh
ghar ke jaane meñ kisī ne bhī bhalā rahbar liyā

safar meñ tark-e-masāfat pe dil huā maa.il
masāfatoñ meñ khule apne ghar ke kyā kyā rañg

kabhī to shaam Dhale apne ghar ga.e hote
kisī kī aañkh meñ rah kar sañvar ga.e hote

taak laagī tirī duḳhtar se hamārī ai taak
aaj shab jī meñ hai ghar tere ye dāmād rahe

tum to raho ho mehrbāñ ġhair ke saath is tarah
aur maiñ phirūñ huuñ ḳhvār-o-zār ḳhāna-ba-ḳhāna ghar-ba-ghar

mirī samā.ī na sahrā meñ hai na ghar meñ hai
nayā ye muzhda-e-vahshat sunā diyā hai mujhe