Tags-Ghar

fazā masmūm hotī jā rahī hai
mirī ḳhātir mirā hī ghar nahīñ hai

haath ḳhālī haiñ chashm tar hai merī
ab tū hī bol kaise ghar jā.ūñ

ghar kī vīrānī ko kyā ro.uuñ ki ye pahle sī
tañg itnā hai ki gunjā.ish-e-ta.amīr nahīñ

shahr ke saare makāñ lagne lage haiñ ek se
jis makāñ meñ bhī gayā dekhā merā vo ghar na thā

chahār samt se kal tak jo ghar damaktā thā
ham aaj sair ko nikle to bas ḳharāba thā

maiñ huuñ parda tire ghar kā na haTā tū mujh ko
maiñ haTā to tirā har raaz bikhar jā.egā

banā gulāb to kāñTe chubhā gayā ik shaḳhs
huā charāġh to ghar hī jalā gayā ik shaḳhs

gaah gaah vahshat meñ ghar kī samt jaatā huuñ
is ko dasht-e-hairat se vāpsī na samjhā jaa.e

maiñ nau-damīda baal chaman-zād-e-tair thā
par ghar se uTh chalā so giraftār ho gayā

dil ko aane lagā basne kā ḳhayāl
aag jab ghar ko lagā dī ham ne

dosto dekhā tamāshā yaañ kā sab
tum raho ḳhush ham to apne ghar chale

DhūñDhte haiñ aap se us ko pare
shaiḳh sāhab chhoḌ ghar bāhar chale

musalsal bārisheñ hotī rahīñ to
hamāre ghar bhī aa jā.egā paanī

ḳhabar le dil kī us se jis kā ghar hai
kisī ke ghar kī ham ko kyā ḳhabar hai

adū kā bhī to ghar hai ai charḳh zālim
jo aafat hai mere hī ghar TūTtī hai

koī ujālā thā jo hamāre jism-o-jāñ se guzrā hai
kis ḳhurshed ne andhe ghar meñ apne aks uḌaa.e haiñ

yuuñ to ghar vaale bulāyā karte haiñ abdul-hasīb
vaise duniyā kahtī hai 'parvez'-rahmānī hameñ

ye qafas hai ghar kī zebā.ish baḌhāne ke liye
ye parinde to nahīñ haiñ āshiyāne ke liye

aise kho.e sahar ke dīvāne
luuT kar shaam tak na ghar aa.e

asar us kā ab hai vasī.a-tar ki har ek dil meñ hai us kā ghar
ye samajh ke ḳhush na hoñ fitna-gar ki use payām-e-fanā diyā