Tags-Ghar

ghar se vo nikle to bus-stand tak hī
us kā saaya ban ke ham pīchhā kareñge

ghar se office jaate hue
maiñ roz saḌak ke daa.eñ baa.eñ

lekin ye baat bhī ek din ġhalat sābit ho ga.ī
mere ghar se daftar tak ke rāste meñ

jab ek ḳhauf sā marne kā sar pe baiTh gayā
ajiib saaya nahūsat kā ghar pe baiTh gayā

kahīñ to shahr meñ an-ban kisī ke saath huī
jo duniyā chhoḌ ke saarī vo ghar pe baiTh gayā

us ne kis naaz se baḳhshī hai mujhe jā-e-panāh
yuuñ ki dīvār salāmat ho magar ghar na rahe

mumkin nahīñ hai phir bhī maiñ ye chāhtā huuñ kyuuñ
aḳhbār par sulagte hue ghar sameT luuñ

shahr-e-shor-o-shar tanhā ghar ke bām-o-dar tanhā
tum nahīñ to lagtā hai ālam-e-bashar tanhā

har taraf tirī yādeñ muskurātī rahtī haiñ
kis ne kah diyā tujh se ab hai merā ghar tanhā

mere dil kī tujh ko bejā hai shikāyat ġhair se
apne ghar kā haal kahnā tarz-e-dānā.ī nahīñ

barq-e-zamāna duur thī lekin mish.al-e-ḳhāna duur na thī
ham to 'zahīr' apne hī ghar kī aag meñ jal kar ḳhaak hue

kamāl-e-shauq-e-safar bhī udhar hī jaatā hai
kisī safar kā musāfir ho ghar hī jaatā hai

TūTnā thā kuchh ajab qahr-e-safar pahle qadam par
muḌ ga.ī thī aañkh hañstā kheltā ghar sāmne thā

ye apnā ghar hai chalo is pe tasfiya kar leñ
qafas kahūñ na ise maiñ tum āshiyāñ na kaho

jis ko tuubā zamāna kahtā hai
tere ghar meñ hai sāya-dār daraḳht

ghar se niklūñgā hathelī par liye ujlā charāġh
ilm hai kaalī havā kā sāmnā ho jā.egā

faqīrī faqīrī faqīrī faqīrī
na jannat na duniyā na ghar dekhte haiñ

hamāre hī ghar se nikaltā hai aksar
jise log shām-o-sahar dekhte haiñ

saath ho letā hai har shaam vahī sannāTā
ghar ko jaane kī na.ī raah nikālī jaa.e

ghar vāloñ ko ġhaflat pe sabhī kos rahe haiñ
choroñ ko magar koī malāmat nahīñ kartā