Tags-Ghar

zehn se kaam lo aur moḌ do tūfān kā ruḳh
varna aañsū meñ hī bah jā.eñge ghar ab ke baras

terī aahaT ko us ghar kā
konā konā jāntā hai

jo saath laa.e the ghar se vo kho gayā hai kahīñ
irāda varna hamārā bhī vāpsī kā thā

kaabe jaane se man.a karte haiñ
kyā butoñ ke hī ghar ḳhudā.ī hai

utrī thī us ke ghar meñ mah-o-mahr kī barāt
aur merā TimTimātā diyā bhī usī kā thā

tumheñ zarūrat nahīñ ki pūchho hamāre ghar kā pata kisī se
vahīñ pe ruk kar ke dekh lenā dhuāñ jahāñ se nikal rahā hai

ahl-e-vahshat ko magar kaun batātā jā kar
ho gayā nāf-e-ġhazālīñ koī ghar par rakkhā

aao aaj ham donoñ apnā apnā ghar chun leñ
tum navāh-e-dil le lo ḳhitta-e-badan merā

chaḌhā hai din nikal aa.e haiñ bāzāroñ meñ saa.e
magar jo jism the saare vo ghar rakkhe ga.e haiñ

din bhar jañgal kī āvāzeñ aatī haiñ
raat ko ghar meñ jañgal saarā aatā hai

ghar se nikle hue bhī bahut din hue
un ko dekhe hue bhī bahut din hue

maiñ na guzrūñgā rastoñ se ghar ke tire
garche guzre hue bhī bahut din hue

yuuñ sub.h ke bhūle apne ghar ko
lauTe haiñ ki aur kho ga.e ham

miyān-e-rāh kaḌī dhuup meñ na chhoḌ mujhe
batā to de ki kahīñ ghar kā rāsta bhī hai

ab aa ga.ī hai sahar apnā ghar sambhālne ko
chalūñ ki jaagā huā raat bhar kā maiñ bhī huuñ

ghar ko yuuñ toḌo ki phir hasrat-e-tāmīr na ho
koī taqdīr na ho aur koī tadbīr na ho

aap dekheñ to mire dil meñ bhī kyā kyā kuchh hai
ye bhī ghar aap kā hai kyuuñ na phir ābād rahe

ghar se us kā bhī nikalnā ho gayā āḳhir muhāl
merī rusvā.ī se shohrat kū-ba-kū us kī bhī thī

maiñ be-libās hī shīshe ke ghar meñ rahtā huuñ
mujhe bhī shauq hai apnī tarah se jiine kā