Tags-Ghar

gahvāra-e-safar meñ khulī hai hamārī aañkh
ta.amīr apne ghar kī huī sañg-e-mīl se

'jāved' ek ġham ke sivā dil meñ hai bhī kyā
ham ghar chalā rahe haiñ matā-e-qalīl se

na ghar ke mānind maah har shab maze uḌāte haiñ ham-damoñ se
qarār fardā kā roz kar ke hameñ qayāmat pe Tālte haiñ

ehsān-e-sañg-o-ḳhisht uThā lenā chāhiye
ghar ab koī na koī banā lenā chāhiye

dekh ai dasht-e-junūñ bhed na khulne paa.e
DhūñDne aa.e haiñ ghar ke dar-o-dīvār mujhe

haal
ghar kī biivī

ghar yaar kā ham se duur paḌā ga.ī ham se rāhat ek taraf
dil ek taraf aah ek taraf milne kī hasrat ek taraf

musalsal ajnabī chāpeñ agar galiyoñ meñ utreñgī
vo ghar kī khiḌkiyoñ par aur bhī meḳheñ lagā degā

dil to ahbāb se milne ko bahut chāhtā hai
muflisī ghar se nikalne nahīñ detī mujh ko

diye jalā.e ummīdoñ ne dil ke gird bahut
kisī taraf se na is ghar meñ raushnī aa.ī

chup chaap paḌā huā huuñ ghar meñ
aur shahr meñ naam kar rahā huuñ

ghar āñgan meñ sone kā sūraj kahāñ
kiran tak paḌosī churā le ga.e

ghar se masjid hai bahut duur chalo yuuñ kar leñ
kisī rote hue bachche ko hañsāyā jaa.e

chaar jānib khīñch diiñ us ne lakīreñ aag kī
maiñ ki chillāyā bahut bastī meñ ghar merā bhī hai

ghar aa.uuñ yā bāhar jā.ūñ har ek fazā meñ mere liye
ik jhūTī sachchī chāhat ho rasmoñ kī koī zanjīr na ho

sameT kar mujhe rakh le ki terā dard huuñ maiñ
tirā hī aib huuñ mujh ko chhupā ke ghar le jā

ghar meñ sāqī-e-mast ke chal ke
aaj sāġhar sharāb kā chhalke

pahuñch jaatī thī us us ghar meñ jis jis ghar kā paasā thā
jo sach pūchho to merī aarzū chausar kī goTī thī

sāmne hashr kī had hai sāhab
ab hameñ lauT ke ghar jaanā hai

shab shauq le gayā thā hameñ us ke ghar talak
par ġhash sā aa gayā vohīñ pahuñche jo dar talak