Tags-Gulshan

tarāne hamd ke gulshan meñ barg-e-gul se suntā huuñ
zabān-e-ġhuncha pe kyūñkar tirā afsāna aa pahuñchā

gulshan meñ baġhair vasl-e-gal-rū
har phuul kuuñ ḳhaar būjhtā huuñ

zindāñ meñ mujhe hai sair-e-gulshan
zanjīr kuuñ haar būjhtā huuñ

bāñTte hī chāhiye rahnā mohabbat ke gulāb
dil ke gulshan ko kahā kis ne sajānā chāhiye

phuul kuchh is tarah toḌ de bāġhbāñ shāḳh hilne na paa.e na āvāz ho
varna gulshan pe raunaq na phir aa.egī dil agar har kisī kā dahal jā.egā

ġhuncha chaTkā koī gulshan meñ to lailā samjhī
mere majnūñ ne pukārā mujhe vīrāne se

aaj phir dāman-e-umīd mirā
ho gayā taar taar gulshan meñ

hai tirā intizār gulshan meñ
ro rahī hai bahār gulshan meñ

kis qadar saḳht-jān thā 'anjum'
jo rahā sogvār gulshan meñ

pattiyāñ kab bikher deñ jhoñke
kis ko hai e'tibār gulshan meñ

sham.oñ ko tū ne dil se parvānoñ ke utārā
āñkhoñ se bulbuloñ kī gulshan girā diye haiñ

gulshan meñ the to raunaq-e-rañg-e-chaman bane
jañgal meñ ham amānat-e-bād-e-sabā rahe

dasht meñ gulshan meñ har jā kī hai terī justujū
ab kahāñ le jā rahā hai ai fareb-e-rañg-o-bū

jab se murjhā ga.ī hai dil kī kalī
raunaq-e-gulshan-e-hayāt ga.ī

azal se gulshan-e-hastī meñ hai maujūd bhī vo
magar lagtā hai jaise aaj hī taaza khilā hai

ye bahār-e-gulshan-e-āb-o-gil hai fanā asar to hoñ kyuuñ ḳhajil
vo gul-e-fasurda hai merā dil ki hamesha nazr-e-ḳhizāñ rahā

yuuñ nasheman nahīñ har roz uThā.e jaate
usī gulshan meñ usī Daal pe rahnā achchhā

us kī yādoñ kā samāñ bhī kis qadar pur-kaif hai
jaise gulshan meñ utar aa.e parindoñ kā hujūm

mire āñgan ke sabhī phuul bahut mahñge haiñ
apne gulshan ko maiñ sahrā nahīñ karne vaalī

nabh-manDal gūñjtā hai tere jas se
gulshan khilte haiñ ġham ke ḳhār-o-ḳhas se