English
Favourite
Favourite
UrduShayarUrduShayar
Expand menu
Sign inAccount

Tags-Gulshan

gulshan gulshan khañgāl Daalā
ḳhushbū ḳhushbū pukār aa.e
Ghazal
 chupke se dimagh mein dar aae
bāġhbāñ gulshan-e-ālam kā maiñ vo bulbul huuñ
tā.er-e-sidra kahā kartā hai ustād mujhe
Ghazal
 kar chuka qaid se jis waqt ki aazad mujhe
sahn-e-gulshan meñ mire phuul kareñge gulchīñ
ro.egā suunā qafas dekh ke sayyād mujhe
Ghazal
 kar chuka qaid se jis waqt ki aazad mujhe
sair ko aate haiñ gulshan meñ raqīboñ kī tarah
phuul saare vo gulistāñ ke masal jaate haiñ
Ghazal
 ban-sanwar kar jo wo bazar nikal jate hain
ye kaisī jagah hai ki dil kho rahā hai
bayābāñ hai sahrā hai gulshan hai kyā hai
Ghazal
 ye ghaza hai kajal hai ubTan hai kya hai
tū mile 'mehr' se ai mah yahī tārīḳh ho sach
gulshan-o-bāda-o-gul meñ tujhe garmā.e havā
Ghazal
 badan-e-yar ki bu-bas uDa lae hawa
gulshan-e-ārzū kī diid ke ba.ad
yaas kā ḳhār-zār bhī dekho
Qita
 gulshan-e-arzu ki did ke baad
be tire yaar sair-e-gulshan meñ
phuul āñkhoñ meñ ḳhaar sā khaTkā
Ghazal
 aashiqi mein hai jaan ka khaTka
bhūlī nahīñ ujḌe hue gulshan kī bahāreñ
haañ yaad haiñ vo din ki hamārā bhī ḳhudā thā
Sher
 bhuli nahin ujDe hue gulshan ki bahaaren
jo tote ne bāġhoñ meñ Teñ Teñ machā.ī
to bulbul bhī gulshan meñ hai chahchahāī
Nazm
 subh ki aamad
kab tasavvur yār-e-gul-ruḳhsār kā fe.al-e-abas
ishq hai is gulshan-o-gulzār kā fe.al-e-abas
Ghazal
 kab tasawwur yar-e-gul-ruKHsar ka feal-e-abas
shamīm-e-gulshan-e-rizvāñ ba-sad niyāz aa.ī
ḳhirāj le ke tirī zulf-e-mushkbū ke liye
Ghazal
 taDap kali ki hai ye ishrat-e-numu ke liye
gulshan-parast huuñ mujhe gul hī nahīñ aziiz
kāñToñ se bhī nibāh kiye jā rahā huuñ maiñ
Ghazal
 dil mein kisi ke rah kiye ja raha hun main
kyā navā-sanjī kareñ ai ham-safīrān-e-chaman
aa ga.ī fasl-e-ḳhizāñ gulshan se saare khiske phuul
Ghazal
 meri turbat par chaDhane DhunDta hai kis ke phul
phir kahāñ gulshan meñ vo āsūdgī
āshiyāñ jab vaqf-e-barq-o-bād hai
Ghazal
 har nafas ek mustaqil fariyaad hai
āvārgān-e-shauq ne manzil na kī qubūl
gulshan kā dar khulā to vo sū-e-qafas ga.e
Ghazal
 hum kis shab-e-siyah ke daman mein bas gae
ātish-e-gul koī chiñgārī nahīñ sho.ala nahīñ
phuul khilte haiñ to gulshan mirā jaltā kyuuñ hai
Sher
 aatish-e-gul koi chingari nahin shoala nahin
agar vo sarv-qad garm-e-ḳhirām-e-nāz aa jaave
kaf-e-har-ḳhāk-e-gulshan shakl-e-qamrī nāla-farsā ho
Ghazal
 hasad se dil agar afsurda hai garm-e-tamasha ho
mahfil mahfil jis ke charche gulshan gulshan jai-jai-kār
ham ne usī ke haath meñ yaaro aksar ḳhanjar dekhā hai
Ghazal
 kisi se puchhen kaun batae kis ne mahshar dekha hai
thā chaman gulzār pahle ab hai ujḌī vādiyāñ
ho gayā barbād gulshan bāġhbāñ ḳhāmosh hai
Ghazal
 wahshaten phaili hain har su do-jahan KHamosh hai
Top Urdushayar.com