Tags-Gulshan

chhāte chhāte chhā ga.ī fasl-e-bahārāñ par ḳhizāñ
dekhte hī dekhte pāmāl gulshan ho gayā

ik na ik roz to gulshan meñ bahār aa.egī
ḳhaak merī abhī barbād na kar ai sayyād

sub.h-e-raushan ne utārī haiñ sitārī āñkheñ
shāḳh-e-shamshād ne gulshan kā darīcha dekhā

gulshan meñ gar vo mai-kash aave sharāb piine
gul kā bhare piyāla ġhunche kī hai subū jo

tabassum se tire gulshan meñ hai nuur
guloñ par chāñdnī lauTī paḌī hai

dil daaġh daaġh us meñ ḳhayāl-e-ḳhirām-e-nāz
jis tarah uḌtī phirtī ho gulshan meñ bū-e-gul

gulshan ke matvāle haiñ ham
phuul bhī gulshan ḳhaar bhī gulshan

phuul bhare haiñ dāman dāman
lekin vīrāñ vīrāñ gulshan

chal ke gulshan meñ dekh le kaisā
mausam-e-gul ne ehtimām kiyā

tanhā na dil mire ne zulfoñ se taab khāyā
gulshan ke biij sumbul khātā hai taab bal ke

merī pāmālī ke charche tum bhī sun loge kabhī
apne gulshan meñ huuñ lekin sabza-e-begāna huuñ

hue haiñ rañg-o-bū dast-o-garebāñ aise gulshan meñ
nasīm-e-sub.h kā dāman bhī ho kar taar taar aayā

kis rañg se gulshan meñ vo jān-e-bahār aayā
āñchal kī havā aa.ī zulfoñ kī ghaTā chhā.ī

merā kyā zikr hai gulshan bhī hai maġhmūm 'ḳhayāl'
ho ga.e aap ḳhafā gosha-e-shādāb se bhī

gulshan kī fikr hai na bayābāñ kī fikr hai
ahl-e-junūñ ko fasl-e-bahārāñ kī fikr hai

vo pā.īñ baaġh meñ phirte haiñ maiñ fikroñ meñ Duubā huuñ
tamāshā hai ki gul gulshan meñ hai bulbul samundar meñ

jab vo gulshan meñ sañvartī hai barastī hai sharāb
jab vo bahke to zamāne ko bhī bahkā.e bahār

dekh kar parvānoñ ke par sub.h ko sābit huā
ye bahār-e-gulshan jūd-e-charāġh-e-kushta hai

ma.āl-e-kār se gulshan kī har pattī laraztī hai
ki āḳhir rañg-o-bū uḌ jā.eñge ik din havā ho kar

taklīf na de ham ko to gul-gasht-e-chaman kī
ḳhud siina tire dāġhoñ se gulshan hai hamārā