Collections

Lab Shayari

Motivational Ghazals

Best Khamoshi Shayari

More Collections

Tags-Haalaat

duniyā ke is ibrat-ḳhāne meñ hālāt badalte rahte haiñ
jo log the kal mash.hūr-e-jahāñ haiñ aaj vahī gumnāmī meñ

duniya ke is ibrat-KHane mein haalat badalte rahte hain

apne hālāt ko behtar jo banānā hai tujhe
ahd-e-rafta ko kabhī bhuul ke bhī yaad na kar

gham se ghabra ke kabhi nala-o-fariyaad na kar

kyā zarūrī hai ki har parda uThāyā jaa.e
mere hālāt bhī apne hī makāñ se suniye

chand se phul se ya meri zaban se suniye

mat hañsā is qadar ai naubat-e-hālāt hameñ
jo faqat zaḳhm haiñ nāsūr na ho jaa.eñ kahīñ

hum tere ishq pe maghrur na ho jaen kahin

hālāt ne chehroñ pe bahut zulm kiye haiñ
ā.īna agar dekhā to Dar jāoge logo

sahra hi ghanimat hai, jo ghar jaoge logo

zamāna gāmzan hai phir unhī hālāt kī jānib
biphar kar jab abābīloñ kā lashkar jaag uThtā hai

kabhi angDai le kar jab samundar jag uThta hai

huī hai aaj be-parda tirī ye be-ruḳhī kuchh yuuñ
mire hālāt ne ruḳh se tire parda haTāyā ho

ye mumkin hai ki yun humne tumhein aksar rulaya ho

hālāt bhī pas-murda
hoñToñ pe bhī taalā hai

hila hai hawala hai

dil bahak jaatā hai barsāt ke saath
ham bigaḌ jaate haiñ hālāt ke saath

dil bahak jata hai barsat ke sath

sab miyāñ hālāt par mauqūf hai
phuul bhī talvār se bhārī lage

KHauf ki aisi na bimari lage

haiñ zamīñ aur zamāñ dūd-e-charāġh-e-shab-e-ġham
mujh ko le aa.ī kahāñ gardish-e-hālāt mirī

kisht-e-viran ki tarah tishna rahi raat meri

ai vo ki tirī yaad hai taskīn-e-dil-o-jāñ
hālāt hameñ kuchh bhī pareshāñ na kareñge

hum dil ki tabahi ka ye saman na karenge

vahāñ vahāñ ġham-e-hālāt raushnī deñge
mirī ġhazal kī rasā.ī jahāñ jahāñ hogī

kabhi talash na zae na raegan hogi

ek saaya huuñ maiñ hālāt kī dīvār meñ qaid
koī sūraj kī kiran aa ke nikāle mujh ko

phunk denge mere andar ke ujale mujhko

jaa.eñ to kahāñ jaa.eñ tire chāhne vaale
hālāt ke tapte hue sahrā se nikal ke

ye surmai aafaq ye shamon ke dhundalke

yuuñ to mujhe bhī shikva hai un se magar 'malāl'
hālāt is tarah ke haiñ logoñ se bhī ho kyā

jab samne ki baat hi uljhi hui mile

ham to gum ho ga.e hālāt ke sannāTe meñ
ham ne kuchh bhī na sunā raat ke sannāTe meñ

hum to gum ho gae haalat ke sannaTe mein

ma.asūm umīdeñ haiñ hālāt kī gardish meñ
ghar meñ kisī muflis ke shahzādiyāñ paltī haiñ

jab chandniyan ghar ki dahliz pe chalti hain

tumhārī shā.erī se bor maiñ ab ho gayā 'saurabh'
vahī hālāt kā ronā vahī bekār kī bāteñ

koi dilkash sa afsana kisi dildar ki baaten

nahīñ badlāv ke āsār kuchh bhī
abhī hālāt abtar dekhtā huuñ

main jab bhi koi manzar dekhta hun