Tags-Haar

jo shaam hotī hai har roz haar jaatā huuñ
maiñ apne jism kī parchhā.iyoñ se laḌte hue

mire chāroñ taraf ek āhanī dīvār kyuuñ hai
agar sachchā huuñ maiñ sach kā muqaddar haar kyuuñ hai

tumhārī zulf kā har taar mohan
huā mere gale kā haar mohan

ik sabz shāḳh gulāb kī thā ik duniyā apne ḳhvāb kī thā
vo ek bahār jo aa.ī nahīñ us ke liye sab kuchh haar diyā

baazī hai jaan hijr hai haar aur visāl jiit
ġham hai bisāt-e-dil kuuñ mire nard boliye

'nātiq' hamī ko dil ne to kāfir banā diyā
ab kyā kaheñ ki haar ga.e bid.atī se ham

vo jañg jis meñ muqābil rahe zamīr mirā
mujhe vo jiit bhī 'amabar' na hogī haar se kam

zaḳhm-e-talāsh meñ hai nihāñ marham-e-dalīl
tū apnā dil na haar mohabbat bahāl rakh

mohabbat meñ bhī dil vaale siyāsat kar ga.e 'aslam'
gale meñ haar Daale paañv meñ zanjīr pahnā.ī

yaañ fat.h sabab hai sar-kashī kā
tū haar ke sarfarāz ho jā

haar jaatā maiñ ḳhushī se ki vafā kā thā savāl
jiit jaatī vo agar shart lagātī mujh se

vaqt sā chāragar bhī haar gayā
hijratoñ ke to zaḳhm aise the

tirī kaj-adā.ī se haar ke shab-e-intizār chalī ga.ī
mire zabt-e-hāl se ruuTh kar mire ġham-gusār chale ga.e

ThanDī ThanDī aah kī ḳhushbū narm o garm ashkoñ ke haar
sach pūchho to apnī saarī ziist kī ye sauġhāt rahī

jiit aur haar kā imkān kahāñ dekhte haiñ
gaañv ke log haiñ nuqsān kahāñ dekhte haiñ

sabr ke baaġh ke manDve se jhaḌā huuñ jiyūñ phuul
ab to lāchār gale haar huuñ kin kā un kā

haar hī haar ho jaise mirī qismat meñ likhī
jiit kā jashn manāte haiñ chale jaate haiñ

khel meñ ḳhāna badalne ke liye
apnā mohara haar meñ kyuuñ rakh diyā

jis ko honā chāhiye thā tāza-dam kaliyoñ kā haar
vo nafas kā silsila zanjīr hai tere baġhair

apnī fusūñ-garī se ab ham to haar baiThe
bād-e-sabā ye kahnā us dilrubā parī ko