Tags-Haar

jo mirī haar par bahut ḳhush thā
ab hai ḳhud se muqābla us kā

dekh sakta nahīñ nākām tujhe duniyā meñ
jiit se apnī tirī haar se Dar lagtā hai

tum ne dekhe haiñ kabhī hār-siñgār
vo dil-āvez se ma.asūm se do-rañge phuul

vo din kisī kī junūn-ḳhezī se haar kar baat maan lenā
kisī ke rañgīñ mutālbe sun ke tamtamāhaT se baat karnā

dūsrī haar kī havas hai so ham
sar-e-taslīm ḳham nahīñ karte

kabhī to khel parinde bhī haar jaate haiñ
havā kahīñ kī bhī ho mustaqar zarūrī hai

ḳhaar raste meñ mere bote ho
haar ġhairoñ ke tum pirote ho

jiit aur haar meñ paḌe hue haiñ
log me.aar meñ paḌe hue haiñ

gale meñ haar aanā chāhiye thā
gale meñ tauq-e-gardan aa rahā hai

terī har baat thī talḳhiyoñ se bharī terā lahja sadā mujh ko Dastā rahā
phir bhī thak haar kar apnā dāman maar kar maiñ ne ḳhud ko manāyā hai tere liye

''maiñ haar gayā hūñ''
maiñ ne apne ghar kī dīvāroñ par likkhā hai

qubla-ḳhān tum haar ga.e ho!
aur tumhāre TukḌoñ par palne vaalā lālchī mārko-polo

mashriq haar gayā hai!
ye 'baksar' aur 'palāsī' kī haar nahīñ hai

gale meñ haar phūloñ kā charan meñ dīp-mālā.eñ
mukuT sar par hai mukh par zindagī kī rūp-rekhā.eñ

phirtā huuñ maiñ be-dil mirā dil kyuuñ nahīñ dete
kyā tum se juā khel ke maiñ haar gayā thā

ham aaj rāh-e-tamannā meñ jī ko haar aa.e
na dard-o-ġham kā bharosā rahā na duniyā kā

hayāt kyā hai ajal ko bhī haar baiThe 'shāz'
kahīñ ke bhī na rahe naqd-e-dil ke saude meñ

maidāñ meñ haar jiit kā yuuñ faisla huā
duniyā thī un ke saath hamārā ḳhudā huā

ham ki the tahī-dāman dost aur kyā karte
zindagī sī dilkash shai tere ġham meñ haar aa.e

sab charāġhoñ ko Das chukī āñdhī
ek din ḳhud se haar jaatī hai