Tags-Hasrat

'nazar' ham ko ilāqa sher se kyā par ye hasrat hai
na rahte ham to apnā zikr us mahfil meñ rah jaatā

khichā hai zartār shāmiyāna guloñ se aatī hai bū shahāna
dikhā ke qudrat kā kārḳhāna lahad ne hasrat bhulā dī ghar kī

huā huuñ chaurañg teġh-e-hasrat ki dafn kī hai mirī ye sūrat
kisī taraf ko hai dil kī turbat kahīñ hai turbat mire jigar kī

ik tahayyur meñ paḌā huuñ nahīñ miltā hai pata
chashm-e-be-ḳhvāb meñ ye sūrat-e-hasrat kyā hai

kyuuñ kar uupar uTheñ āñkheñ mirī ai hasrat-e-dīd
sar uThāne nahīñ detī hai nadāmat merī

sham.a phir hasrat-o-armān kī raushan kar ke
chand lamhoñ ko sahī jashn-e-charāġhāñ kar leñ

vo hasrat-zada said maiñ hī to huuñ
hai parvāz jis kī durūn-e-havas

ghar meñ thā kyā ki tirā ġham use ġhārat kartā
vo jo rakhte the ham ik hasrat-e-tāmīr so hai

ye bhī socheñ kaash izzat kyā hai aur zillat hai kyā
vo jo rusvā ho rahe haiñ hasrat-e-tauqīr meñ

us ke dil se ga.ī na kudūrat dil kī dil hī meñ rah ga.ī hasrat
ham ne jhaḌī ashkoñ kī barsoñ in āñkhoñ se barsā dekhī

na hasrat hī nikaltī hai na dil ko aag lagtī hai
mirī hastī mire dāman meñ kyā kāñTā lagā laa.ī

jaane kis ḳhvāb kī hairat ne jagā.e rakkhā
phir mirī hasrat-e-nākām ne dekhā us ko

hasrat-e-be-iḳhtiyārī dekhnā
tan se jaañ hotī hai kyā tham tham vidā.a

kyuuñ na hoñ āġhosh-e-hasrat sub.h-o-shām
roz-o-shab aalam se hai aalam vidā.a

dil-e-mahjūr meñ armān-e-visāl
na sahī diid kī hasrat hī sahī

na jannat kī hasrat na hūroñ kī parvā
na koī ḳhushī kā sabab chāhte haiñ

lab-bastagī meñ hasrat-e-guftār jaag uThī
ḳhauf-e-sukūt jur.at-e-iz.hār de gayā

ḳhvāb hī meñ nazar aa jaa.e shab-e-hijr kahīñ
so mujhe hasrat-e-dīdār ne sone na diyā

jahāñ tak gayā kārvān-e-ḳhayāl
na thā kuchh ba-juz hasrat-e-pā.emāl

yās-o-hasrat se ye bulbul kī girāñbārī huī
laakh man kā hai qafas ik musht-e-par ke bojh se