Tags-Hasrat

ta.amīr āḳhir kar liyā hasrat ne ḳhvāboñ kā haram
shaġhl-e-gunah ke vāste ye aaḌ bhī kaafī to hai

rahā kartī hai hasrat ban ke dil meñ
matā-e-ārzū luTtī nahīñ hai

sad-haif vo nākām ki ik umr se 'ġhālib'
hasrat meñ rahe ek but-e-arbada-jū kī

tirī chashm-e-tahayyur dekh letī kis tarah mujh ko
jahāñ hasrat ke maare sab the maiñ bhī to rahā hūñgā

sochtā huuñ faqat is daur ke insāñ ke liye
hasrat-o-yās ke mausam ko amar kis ne kiyā

zindagī be-dar-o-dīvār makāñ hai koī
kab se ik hasrat-e-tāmīr liye baiThe haiñ

ḳhaak ho kar bhī vahī hasrat-e-pā-bos rahī
ho ga.ī mauj-e-sabā mauj-e-talātum mujh ko

dar-ba-dar hasrat-e-dildār liye phirtī hai
sar-e-har-kūcha-o-bāzār liye phirtī hai

hasrat-e-dīd 'asar' hazrat-e-'ātish' kī tarah
pesh-e-rauzan pas-e-dīvār liye phirtī hai

jāntā huuñ ki ye hasrat hī mirī manzil hai
shauq kī tishna zamīnoñ meñ jo boyā huā huuñ

ab ke shāyad ye mirī tishna-labī jumbish de
tāb-e-hasrat lab-e-be-rañg zamīñ par kuchh thā

ye hasrat hai kahūñ maiñ dostoñ se
huī ab shaam ghar jaanā hai mujh ko

ye bhī nahīñ ki un se mohabbat nahīñ rahī
ye bhī hai sach ki diid kī hasrat nahīñ rahī

milnā thā jo nasīb se vo mil gayā 'ziyā'
hasrat kise batā.eñ tamannā kise kaheñ

yahī to hai nafā koshishoñ kā ki kaam saare bigaḌ rahe haiñ
yahī to hai fā.eda havas kā ki ashk-e-hasrat bahā rahā huuñ

na aa.egā lab pe harf-e-matlab na khul sakegī zabān-e-'kaifī'
nigāh-e-hasrat ko tarjumāñ kar ḳhamoshiyoñ ko javāb kar de

tū mirī jaan mujhe hairat o hasrat se na dekh
ham meñ koī bhī jahāñ-nūr o jahāñ-gīr nahīñ

aisī lahroñ meñ nadī paar kī hasrat kis ko
ab to jo aa.e yahāñ Duub hī jaanā chāhe

shor hai dil meñ ġham ke nāloñ kā
alam uThte haiñ aaj hasrat ke