Tags-Hasrat

ye jām-e-dīda-e-hasrat bharūñgā ashk-e-ḳhūnī se
mai-e-gulgūñ tujhe pīr-e-muġhāñ sāġhar meñ bharnā hai

ishq meñ hasrat-e-dil kā to nikalnā kaisā
dam nikalne meñ bhī kam-baḳht mazā hotā hai

so hashr meñ liye dil-e-hasrat ma.aab meñ
ābād ho rahā huuñ jahān-e-ḳharāb meñ

kuchh phuul the vo bhī suukh ga.e
ik hasrat sī gul-dān meñ hai

phir un kī yaad ke dīpak jalā.e haiñ maiñ ne
ki ḳhufta hasrat-o-armāñ jagā.e haiñ maiñ ne

ḳhudā puurī kare ye hasrat-e-dīdār kī hasrat
ki dekhūñ aur tire jalvoñ ko dekhūñ be-hijābāna

khulne meñ qabāhat hai gesū-e-mohabbat ko
chehra shab-e-hasrat kā pathrāyā huā sā hai

zindagī tum se ibārat hai merī jaañ lekin
phir bhī hasrat hai yahī zikr tumhārā kar leñ

kitnī hasrat se tirī aañkh kā bādal barsā
ye alag baat mirā shola-e-ġham bujh na sakā

tū ne itnī dī ki mai-ḳhvārī kī hasrat bah ga.ī
maiñ ne itnī pī ki āḳhir ho ga.ī paanī mujhe

ajiib hasrat se dekhtā huuñ
maiñ jin makānoñ meñ kal rahā thā

tū tishnagī kī aziyyat kabhī furāt se pūchh
añdherī raat kī hasrat añdherī raat se pūchh

jaan āñkhoñ meñ rahī jī se guzarne na diyā
achchhī dīdār kī hasrat thī ki marne na diyā

unhīñ kī hasrat-e-rafta kī yādgār huuñ maiñ
jo log rah ga.e tanhā bharī bahāroñ meñ

zinda kiyā hai hasrat-e-murda ko bevafā
tū ba.ad-e-marg gor pe aayā ġhazab kiyā

nā-karda gunāhoñ kī bhī hasrat kī mile daad
yā rab agar in karda gunāhoñ kī sazā hai

ghar yaar kā ham se duur paḌā ga.ī ham se rāhat ek taraf
dil ek taraf aah ek taraf milne kī hasrat ek taraf

ek ibrat kā muraqqa.a hai alam-ḳhāna-e-dil
hasrat-o-yās kā afsāna hai afsāna-e-dil

chand sikkoñ kī talab hasrat-e-bejā to na thī
phir bhī ham phaile hue haath se ghabrā.e haiñ

charāġh-e-yās-o-hasrat ham haiñ mahfil meñ hasīnoñ kī
jalā.e jis kā jī chāhe bujhā.e jis kā jī chāhe